21 noyabr 2024, cümə axşamı Bakı, 14°C
IMG-LOGO
  • 21 noyabr 2024, cümə axşamı 23:33:00 Bakı , 14°C
Ana səhifə Xəbərlər Ətraflı

Xəbər lenti:

Türk Dövlətləri Təşkilatının xatirə sikkəsi satışa çıxarılıb

08-11-2024
IMG

Türk Dövlətləri Təşkilatının Dövlət və Hökumət Başçılarının 11-ci Zirvə Toplantısı üçün xüsusi olaraq hazırlanmış xatirə sikkəsi türk dövlətləri arasında köklü əlaqələri və əməkdaşlığı simvolizə edən zəngin detallarla hazırlanıb.

Türk Dövlətləri Təşkilatının xatirə sikkəsinin dizaynında türk dövlətləri arasında köklü əlaqələri və əməkdaşlığı simvolizə edən zəngin detallar var.
Xatirə sikkəsinin çapı ilə TDT-nin beynəlxalq fəaliyyəti və mədəni dəyərləri vurğulanarkən, dizaynında fərqli vizual və çertyojlardan istifadə edilib. Dizayn prosesində TDT-nin loqosunu ön planda saxlamaqla yanaşı, vizualdakı digər elementlərin də təşkilatın mövzusunu əks etdirməsi hədəflənib.

Xatirə sikkəsinin ön hissəsində təşkilatın loqosu,ətrafında 8 guşəli Səlcuq Ulduzu var. Bu ulduzun hər küncü təşkilatın dəyər və fəlsəfəsini əks etdirən mərhəmət, şəfqət, səbir, doğruluq, sirr saxlama, sədaqət, səxavət və minnətdarlıq daxil olmaqla 8 fərqli mənanı simvollaşdırır və bu mənalar həm də təşkilatdakı 8 dövləti təmsil edir. 

Xatirə sikkəsinin arxa tərəfində təşkilata üzv ölkələr olan Türkiyə, Qazaxıstan, Özbəkistan, Türkmənistan, KKTC, Macarıstan, Qırğızıstan və Azərbaycanın bayraqları dairə ətrafında toplanmış və “Dildə, ideyada, işdə birlik” ifadəsi təsvir edilmişdir. " Bu şüar bu ölkələr arasında maddi və mənəvi birliyi simvolizə edir.

Sikkənin ortasındakı pətək toxuması məhsuldarlığı, çalışqanlığı və birliyi ifadə edir, iki əlin bir-birini sıxması bütün sahələrdə etibarlılığı, regional və digər coğrafiyalar üçün sülh və birlik simvoluna çevrilmiş təşkilatı əks etdirir.

Türk Dövlətləri Təşkilatının xatirə sikkəsinin diametri 38,61 millimetr, çəkisi 23,33 qramdır və bürünc metal üzərində oksidləşdirilmiş formada çap edilib. Noyabrın 7-dən etibarən maksimum 5 min ədəd xatirə sikkəsinin tədavül müddəti 2 il müəyyən edilib.

Paylaş:

Kateqoriyalar

Eyni kateqoriyalı xəbərlər