23 noyabr 2024, şənbə Bakı, 14°C
IMG-LOGO
  • 23 noyabr 2024, şənbə 13:56:45 Bakı , 14°C
Ana səhifə Xəbərlər Ətraflı

Xəbər lenti:

Qladiator şəklində olan nadir  bıçaq sapı aşkar edilib

19-11-2024
IMG

Böyük Britaniyada qladiatora bənzəyən 2000 illik bıçaq sapı tapılıb. Mütəxəssislər bu nadir tapıntının qladiatorların şöhrətinin nə qədər geniş yayıldığının göstəricisi kimi qiymətləndirir.

İndiyədək Roma İmperiyasının məşhur döyüşçüləri olan qladiatorları əks etdirən fincanlar, keramika və heykəlciklər kimi bir çox tarixi əsərlər  aşkar edilib. Bu artefaktlardan biri İngiltərədəki Tayn çayında aparılan tədqiqatlar zamanı üzə çıxıb. Təxminən 300 il ərzində Roma İmperiyasının şimal-qərb sərhədini qeyd edən Hadrian divarının yaxınlığında qladiator formalı bıçaq sapı aşkar edilib. Tarixi bölgə ilə məşğul olan “English Heritage”nin məlumatına görə, təxminən 2 min il əvvələ aid olan əsərdə dəbilqəsi və qalxanı ilə “secutor” qladiator təsvir edilib.

Latın dilində "qovmaq, arxasınca getmək" mənasını verən secutor, yaxın döyüş mütəxəssisi olan və yaxşı zirehli olan qladiatorları nəzərdə tutub.
İngilis İrsinin Hadrian Divarı və Şimal-Şərq kolleksiyalarının kuratoru Frances McIntosh deyir ki, belə qladiator artefaktları Britaniyada çox nadirdir.
Belə yaxşı qorunub saxlanılmış və maraqlı bir parçanın tapılması xüsusilə diqqətəlayiqdir. Bu gözəl bıçaq sapı Roma İmperiyasının ən kənarındakı Hadrian Divarına qədər uzanan bu məşhur mədəniyyətin nə qədər geniş yayıldığının sübutudur.

Qladiatorun bıçaq sapındakı sol əlinin qabağa uzanması onun qılıncdan bu əllə istifadə etdiyini göstərir.

Qədim Romada solaxaylıq qladiatorlar üçün uğursuz şərt hesab edilsə də, üstünlük əldə etmək üçün döyüşçüləri bu yolla öyrədənlər də olub.

“English Heritage” nəşrinə görə, fiqurun solaxay olması bıçaq sapının başqalarını deyil, konkret qladiatoru təsvir etməsi mənasına gələ bilər.  Onlar əsasən qullardan və cinayətkarlardan ibarət olsalar da, yüksək bacarıqlı qladiatorlar da böyük şöhrət qazana bilirdilər.

Paylaş:

Kateqoriyalar

Eyni kateqoriyalı xəbərlər