21 noyabr 2024, cümə axşamı Bakı, 14°C
IMG-LOGO
  • 21 noyabr 2024, cümə axşamı 18:26:28 Bakı , 14°C
Ana səhifə Xəbərlər Ətraflı

Xəbər lenti:

İspaniyada daşqının zərəri: 650 min ton kənd təsərrüfatı məhsulları məhv edilib

19-11-2024
IMG

İspaniya Kənd Təsərrüfatı Sığorta Təşkilatları Assosiasiyası leysan yağışların səbəb olduğu daşqın və fırtınaların kənd təsərrüfatı sektoruna tarixi ziyan vurduğunu açıqlayıb. Oktyabrın 29-da İspaniyada başda Valensiya olmaqla ölkənin şərq və cənub bölgələrini vuran sel fəlakəti  650 min ton kənd təsərrüfatı məhsulunu məhv edib. 

Assosiasiya sel nəticəsində 25 min 500 hektar becərilən kənd təsərrüfatı sahəsinin zədələndiyini, 650 min ton ərzaq məhsulunun israf edildiyini və 10 mindən çox fermerin zərər çəkdiyini bildirib. Açıqlamada sığortasız fermerlərin itkiləri də daxil olmaqla 170 min hektar kənd təsərrüfatı sahəsinə ziyan dəydiyi və ümumi itkilərin bir milyard avronu keçdiyi bildirilib. Əndəlüs muxtar administrasiyasına tabe olan Almeriya şəhərinin Kənd Təsərrüfatı, Balıqçılıq, Su və Kənd Təsərrüfatı Müdirliyi Campo de Dalias bölgəsində 400 hektar istixananın tamamilə məhv edildiyini bildirib. Malaqanın El Ejido rayonunun yerli hökuməti də kənd təsərrüfatı sektoruna dəyən zərərin 158 milyon avro olduğunu, təkcə istixanalarda plastiklərin dəyişdirilməsinin xərcinin isə 50 milyon avro olacağını açıqlayıb.

Xatırladaq ki, daşqın nəticəsində ümumilikdə 227 nəfər həyatını itirib, onlardan 219-u Valensiyada olub, 13 nəfər isə hələ də itkin düşüb.

Paylaş:

Kateqoriyalar

Eyni kateqoriyalı xəbərlər