21 noyabr 2024, cümə axşamı Bakı, 15°C
IMG-LOGO
  • 21 noyabr 2024, cümə axşamı 18:41:34 Bakı , 15°C
Ana səhifə Xəbərlər Ətraflı

Xəbər lenti:

Azərbaycan ilə Almaniya arasında builki ticarət dövriyyəsinin həcmi açıqlanıb

18-11-2024
IMG

Bu ilin yanvar-sentyabr aylarında Azərbaycan ilə Almaniya arasında ticarət mübadiləsinin dəyəri 1,1 milyard dollardan çox olub. Bununla da Almaniya Azərbaycanın əsas altıncı ticarət tərəfdaşı olub.

Fhnews.az xəbər verir ki, bu barədə AZPROMO-nun icraçı direktoru Yusif Abdullayev COP29 çərçivəsində təşkil olunan “Yaşıl transformasiya” mövzusunda Almaniya-Azərbaycan yüksəksəviyyəli biznes dialoqunda deyib.

Onun sözlərinə görə, 1 oktyabr tarixinə Azərbaycanda 191 Almaniya şirkəti aktiv fəaliyyət göstərib.

“1995-ci ildən 2024-cü ilin iyun ayına qədər Almaniyadan Azərbaycana yatırılan investisiyaların həcmi 871 milyon dolları üstələyib və bu sərmayələrin 94 faizi qeyri-neft sektorunun payına düşüb. Öz növbəsində, Azərbaycan da Almaniyaya əhəmiyyətli sərmayələr yatırıb və bu investisiyaların ümumi həcmi hesabat dövründə 592 milyon dollar təşkil edib”, - deyə AZPROMO rəhbəri qeyd edib.

Paylaş:

Kateqoriyalar

Eyni kateqoriyalı xəbərlər