23 noyabr 2024, şənbə Bakı, 14°C
IMG-LOGO
  • 23 noyabr 2024, şənbə 13:57:53 Bakı , 14°C
Ana səhifə Xəbərlər Ətraflı

Xəbər lenti:

Yalçın Rəfiyev: Metan emissiyalarını azaltmaq üçün hər bir imkanı dəyərləndirməkdə qətiyyətliyik

19-11-2024
IMG

COP26-da elan olunan qlobal metan öhdəliyinə artıq təxminən 160 ölkə, o cümlədən Azərbaycan da qoşulub. Bu öhdəliyi yerinə yetirmək üçün metan emissiyalarının əsas mənbələri olan qalıq yanacaqlar, kənd təsərrüfatı və üzvi tullantılara qarşı mübarizə aparmalıyıq.

Fhnews.az xəbər verir ki, bu barədə COP29-un baş danışıqçısı, Azərbaycanın xarici işlər nazirinin müavini Yalçın Rəfiyev COP29 Prezidentliyinin mətbuat konfrasında deyib.

Yalçın Rəfiyev bildirib ki, Azərbaycan metan emissiyalarını azaltmaq məqsədilə bütün mümkün imkanları dəyərləndirməkdə qətiyyətlidir. COP28-də fosil yanacağından yaranan metan emissiyaları ilə bağlı əhəmiyyətli irəliləyişlər əldə olunmuşdu. “50-dən çox şirkət, o cümlədən SOCAR metanın azaldılması üzrə “Neft və Qaz Dekarbonizasiya Xartiyası”nı imzalayaraq, sıfıra yaxın metan emissiyalarına nail olmağa dair öhdəlik götürdü. Bu səyləri daha da gücləndirərək və tamamlayaraq üzvi tullantılardan yaranan metan emissiyalarının azaldılmasını əsas prioritet olaraq müəyyən etdik”, - deyə o, qeyd edib.

2022-ci ildə qida tullantılarının qlobal istixana qazı emissiyalarının 10 faizinə qədərini təşkil etdiyini vurğulayan COP29-un baş danışıqçısı bildirib: “Bu problemlə mübarizə üçün COP29 çərçivəsində üzvi tullantılardan yaranan metanın azaldılması üzrə bəyannamə təqdim olunub. Bu bəyannamə ölkələrin gələcək milli töhfələrində (NDC) qida tullantıları ilə bağlı sektoral hədəflər yaratmağı öhdələrinə götürdüklərini ifadə edir”.

Paylaş:

Kateqoriyalar

Eyni kateqoriyalı xəbərlər