11 mart 2025, çərşənbə axşamı Bakı, 5°C
IMG-LOGO
  • 11 mart 2025, çərşənbə axşamı 23:41:08 Bakı , 5°C
Ana səhifə Xəbərlər Ətraflı

Xəbər lenti:

Kilauea vulkanından axan lava 90 metrə qədər yüksəlib

08-03-2025
IMG

ABŞ Geoloji Xidməti 12-ci dəfə lava püskürən Kilauea vulkanının görüntülərini paylaşıb. Havay adalarının ən aktiv vulkanlarından biri olan Kilauea çərşənbə günü ən yüksək nöqtəsinə çataraq 12-ci dəfə püskürüb. Şimal və cənub bacalarında lava 90 metrə qədər qalxıb. 

ABŞ Geoloji Xidmətindən verilən açıqlamada yaxın 4-6 gün ərzində Kilaueada yeni partlayışın baş verməsinin gözlənildiyi bildirilib. Kilauea vulkanı ABŞ-nın Havay ştatının Böyük Ada bölgəsindəki Havay Vulkanları Milli Parkında yerləşən 1247 metr hündürlüyündə aktiv vulkandır. O, həm də Havay adalarını təşkil edən beş vulkandan ən aktividir. Kilaueanın yaşının təxminən 300 min ilə 600 min il arasında olduğu təxmin edilir. 1983-cü ildən bəri vaxtaşırı püskürən bu vulkan dünyanın ən aktiv vulkanlarından sayılır. İndiyədək ətrafdakı bir çox yaşayış məntəqələrinə ziyan vurub. Vulkanın ilk qeydə alınmış püskürməsi 1823-cü ildə baş verib və o vaxtdan bəri (1934-1952-ci illər arasında müvəqqəti fasilə istisna olmaqla) davamlı vulkanik fəaliyyət göstərməyə davam edir. Kilaueanın hazırkı püskürmələri 3 yanvar 1983-cü ildə başlayan böyük püskürmə ilə sürətləndirildi. Bu proses tarixi dövrdə ən uzunmüddətli vulkanik fəaliyyət kimi qeydə alınıb. 1963-cü ildən 2011-ci ilin yanvarına qədər bu vulkanik fəaliyyət nəticəsində təxminən 3,5 kub kilometr lava püskürmüş və bu lavalar 123,2 kvadrat kilometr ərazini əhatə etmişdir.

Paylaş:

Kateqoriyalar

Eyni kateqoriyalı xəbərlər