12 mart 2025, çərşənbə Bakı, 10°C
IMG-LOGO
  • 12 mart 2025, çərşənbə 11:19:00 Bakı , 10°C
Ana səhifə Xəbərlər Ətraflı

Xəbər lenti:

Minskdə MDB dəmir yolu administrasiyalarının səhiyyə sahəsində əməkdaşlığı müzakirə olunub

11-03-2025
IMG

Minskdə MDB iştirakçısı olan dövlətlərin dəmir yolu administrasiyalarının səhiyyə sahəsində Qarşılıqlı Fəaliyyət Komissiyasının qırx səkkizinci iclası keçirilib.

Fhnews.az MDB İcraiyyə Komitəsinə istinadla xəbər verir ki, iclasda Azərbaycan, Belarus, Ermənistan, Qazaxıstan, Qırğızıstan, Rusiya Federasiyası, Tacikistan, Özbəkistan dəmir yolu administrasiyalarının nümayəndələri, Birliyə üzv Dövlətlərin Dəmir Yolu Nəqliyyatı üzrə Şurası direktorluğunun əməkdaşları iştirak ediblər.

İclas texnoloji kommunikasiya sistemindən (TCS) istifadə edilməklə qarışıq formatda keçirilib.

Bundan əvvəl, 2025-ci il fevralın 27-də Komissiya çərçivəsində sənədlərin yenilənməsi üzrə işçi qrupun ilk iclası olmuşdu.

İclasda Komissiya sədrinin və onun müavininin səlahiyyətlərinin 3 il müddətinə uzadılması barədə qərar qəbul edib. Həmçinin Komissiyanın əvvəlki iclaslarının qərarlarının icrası ilə bağlı məsələlərə baxılıb, işçi qrupunun birinci iclasının işinin nəticələrinə yekun vurulub, fəaliyyət istiqamətləri baxımından Birliyə üzv Dövlətlərin Dəmir Yolu Nəqliyyatı Şurasının işçi və icraedici orqanlarının təkmilləşdirilməsi və islahatı üzrə müvəqqəti işçi qrupunun işinin nəticələri təhlil edilib.

İclas iştirakçıları, həmçinin Rusiya Federasiyasının dəmir yolu administrasiyası nümayəndələrinin “Böyük Vətən Müharibəsində dəmir yolu səhiyyəsinin rolu haqqında”, “Dəmir yolu infrastrukturunda arzuolunmaz halların qarşısının alınmasında icbari tibbi müayinələrin həyata keçirilməsi və onların effektivliyi haqqında” mövzularında məruzə və təqdimatlarını dinləyiblər.

Dəmir yolu idarələrinin nümayəndələri Komissiyanın səlahiyyətlərinə aid olan məsələlərlə bağlı təcrübə mübadiləsinin aparılmasında maraqlı olduqlarını və bu işin davam etdirilməsinin zəruriliyini bildiriblər.

Paylaş:

Kateqoriyalar

Eyni kateqoriyalı xəbərlər