12 mart 2025, çərşənbə Bakı, 10°C
IMG-LOGO
  • 12 mart 2025, çərşənbə 11:16:47 Bakı , 10°C
Ana səhifə Xəbərlər Ətraflı

Xəbər lenti:

Ötən ay İqtisadiyyat Nazirliyinin Çağrı Mərkəzinə olan müraciətlərin sayı açıqlanıb

11-03-2025
IMG

İqtisadiyyat Nazirliyinin 195-1 - Çağrı Mərkəzinə cari ilin fevral ayı ərzində 43 min 240 canlı rejimdə, qalanları isə səsli menyu xidməti vasitəsilə olmaqla ümumilikdə 47 min 861 müraciət olub.

Nazirlikdən verilən məlumata görə, müraciətlər əsasən sahibkarlıq fəaliyyəti, lisenziyaların verilməsi, vergilərin ödənilməsi, vergi ödəyicisinin hüquq və vəzifələri, daşınmaz əmlakın dövlət qeydiyyatına alınması, dövlət əmlakının özəlləşdirilməsi, həmçinin İqtisadiyyat Nazirliyinin səlahiyyətlərinə və fəaliyyət istiqamətlərinə dair digər məsələləri əhatə edib.

Daxil olan müraciətlərin əksər hissəsi cavablandırılıb, araşdırma tələb edən müraciətlər üzrə nazirliyin aidiyyəti strukturları tərəfindən müvafiq tədbirlər görülür.

Vətəndaşların İqtisadiyyat Nazirliyinə və qurumlarına müraciətinin daha da asanlaşdırılması və vətəndaş məmnunluğunun yüksəldilməsi məqsədilə yaradılmış 195-1 - Çağrı Mərkəzinə ölkənin istənilən regionundan stasionar telefonla birbaşa zəng etmək olar.

Göstərilən xidmətlər ödənişsizdir.

Paylaş:

Kateqoriyalar

Eyni kateqoriyalı xəbərlər