12 mart 2025, çərşənbə Bakı, 11°C
IMG-LOGO
  • 12 mart 2025, çərşənbə 11:49:23 Bakı , 11°C
Ana səhifə Xəbərlər Ətraflı

Xəbər lenti:

Tədqiqat: İqlim dəyişikliyi kosmosda peyklərin sayının azalmasına səbəb ola bilər

11-03-2025
IMG

ABŞ-ın Massaçusets Texnologiya İnstitutunun (MIT) yeni araşdırması xəbərdarlıq edir ki, iqlim dəyişikliyi Yerə yaxın kosmosun mühitini əsrin sonuna qədər aşağı Yer orbitində təhlükəsiz fəaliyyət göstərə bilən peyklərin sayını əhəmiyyətli dərəcədə məhdudlaşdıra biləcək şəkildə dəyişdirir.

Fhnews.az xarici mediaya istinadla xəbər verir ki, martın 10-da “Nature Sustainability” jurnalında dərc edilən araşdırma istixana qazları emissiyalarının atmosferin üst qatını, xüsusən də Beynəlxalq Kosmik Stansiya və əksər peyklərin orbitdə fırlandığı termosferi daraldır.

Tədqiqatçıları qeyd edirlər ki, termosfer kiçildikcə yuxarı atmosferdəki hava nazikləşir və adətən köhnə peykləri, habelə kosmik tullantıları yavaşladan təbii sürüklənməni azaldır, onların düşməsinə və yanmasına səbəb olur.

Araşdırma göstərir ki, daha az sürtünmə ilə sıradan çıxmış peyklər və kosmik tullantılar orbitdə uzun müddət qalacaq, toqquşma riskini artıracaq və aşağı Yer orbitini daha sıxlaşdıracaq. Tədqiqatçılar hesab edirlər ki, 2100-cü ilə qədər emissiyaların artması davam edərsə, əsas orbital bölgələrin daşıma qabiliyyəti 50-66 faiz azala bilər.

Tədqiqat, həmçinin emissiyaların azaldılması və peyk buraxılışlarının diqqətli idarə olunmasının zəruriliyini vurğulayır.

Paylaş:

Kateqoriyalar

Eyni kateqoriyalı xəbərlər