12 mart 2025, çərşənbə Bakı, 10°C
IMG-LOGO
  • 12 mart 2025, çərşənbə 11:38:39 Bakı , 10°C
Ana səhifə Xəbərlər Ətraflı

Xəbər lenti:

Havasının ən çirkli olduğu ölkələr açıqlanıb

11-03-2025
IMG

Yeni araşdırma dünyanın ən çirkli havasına sahib  olan ölkələri müəyyən edib. İsveçrənin hava keyfiyyəti texnologiyası şirkəti “IQAir” son hesabatı ilə dünyada yalnız 7 ölkənin standartlara uyğun olduğunu açıqlayıb.Birinci yerdə Çad, ikinci yerdə Banqladeş və sonra Pakistan gəlir. Dünyada cəmi 7 ölkənin hava keyfiyyəti Ümumdünya Səhiyyə Təşkilatının müəyyən etdiyi standartlara cavab verir. 

İstanbul ən çirkli böyük şəhərlər arasında 19-cu yeri tutur. Şirkətin 2024-cü il hesabatına görə, dünyanın ən çirkli havasına malik ölkələr sırasıyla Çad, Banqladeş, Pakistan, Konqo Demokratik Respublikası və Hindistandır.

Bu 5 ölkədə havanın çirklənməsi Ümumdünya Səhiyyə Təşkilatının müəyyən etdiyi həddi 10 dəfə keçib. 

Dünyanın ən çirkli paytaxt şəhəri Hindistanın paytaxtı Yeni Dehlidir. Dünyanın ən çirkli havasına malik 10 şəhərdən 6-nın yerləşdiyi Hindistanda havanın çirklənməsi 2024-cü ildə 2023-cü ilə nisbətən 7 faiz azalıb. Çində də 2013-2020-ci illər arasında çirklənmə yarıbayarı azalıb.

Avropanın ən çirkli havası olan ölkə Bosa Herseqovinadır. Bosniya və Herseqovinadan sonra Şimali Makedoniya və Serbiya gəlir.

Dünyada havası standartlara tam uyğun gələn cəmi 7 ölkə var. Bu ölkələr Estoniya, İslandiya, Avstraliya, Yeni Zelandiya, Baham adaları, Qrenada və Barbadosdur.
Burkina Faso, İran və Əfqanıstan kifayət qədər məlumat olmadığı üçün hesabata daxil edilməyib.

Havanın çirklənməsi dünyada yüksək təzyiqdən sonra ölümə səbəb olan ən böyük risk faktoru hesab edilir. Dünyada hər il 7 milyon insan havanın çirklənməsi səbəbindən ölür.

Paylaş:

Kateqoriyalar

Eyni kateqoriyalı xəbərlər