6 iyun 2025, cümə Bakı, 23°C
IMG-LOGO
  • 6 iyun 2025, cümə 11:04:20 Bakı , 23°C
Ana səhifə Xəbərlər Ətraflı

Xəbər lenti:

Qazaxıstan HDQ-in təqribən 1000 hərbçisi yüksək döyüş hazırlığı vəziyyətinə gətirilib

04-06-2025
IMG

Döyüş hazırlığı planı çərçivəsində Qazaxıstan Hərbi Dəniz Qüvvələrinin (HDQ) təqribən 1000 hərbçisi yüksək döyüş hazırlığı vəziyyətinə gətirilib.

Fhnews.az Qazaxıstan Müdafiə Nazirliyinin mətbuat xidmətinə istinadla xəbər verir ki, təlimlərdə hərbi-dəniz bazasının qüvvə və vasitələri, müxtəlif gəmilərdən ibarət divizion, dəniz piyadalarının hücum batalyonu, diversiya əleyhinə qüvvələr və vasitələrdən ibarət rota, həmçinin hidroqrafik dəstək xidməti iştirak edir.

Kompleks taktiki-cərgə məşğələləri zamanı xəbərdarlıq sisteminin effektivliyi, qərargahın ahəngdarlığı, bölmələrin cəmləşmə rayonlarına çıxarılmasının səmərəliliyi yoxlanılır. Hərbi texnika və silahlar döyüşə hazır vəziyyətə gətirilib.

Görülən tədbirlər kompleksi qoşunların qarşıya qoyulmuş vəzifələri yerinə yetirmək üçün hazırlığının artırılmasına, idarəetmə sisteminin təkmilləşdirilməsinə və bütün kateqoriyalardan olan hərbi qulluqçuların peşəkarlığının daha da artırılmasına yönəlib.

Yay təlimi dövründə Azərbaycan Silahlı Qüvvələri ilə birgə təlimlər, gəmilərin dənizə çıxarılması, praktiki atışlar, döyüş maşınının idarə olunması, paraşütlə tullanmalar və digər tədbirlər nəzərdə tutulub.

Paylaş:

Kateqoriyalar

Eyni kateqoriyalı xəbərlər