14 mart 2025, cümə Bakı, 12°C
IMG-LOGO
  • 14 mart 2025, cümə 19:53:29 Bakı , 12°C
Ana səhifə Xəbərlər Ətraflı

Xəbər lenti:

“Vikipediya”da məqalələrin yaradılması prosesi davam edir

16-02-2024

“Vikipediya”nın Azərbaycan və xarici dili bölmələrində məqalələrin yaradılması və yeni faktlarla zənginləşdirilməsi səmərəli şəkildə davam etməkdədir.

AMEA Rəyasət Heyəti aparatının “Elektron Akademiya” şöbəsinin bilavasitə iştirakı və təşəbbüsü ilə “Vikipediya”da bu günlərdə ümumilikdə 6 kateqoriyada 55 məqalə yaradılıb. Bunlardan 28 məqalə ana dilimizdə, 27 məqalə xarici dillərdə (6 ingilis, 2 alman, 12 türk, 7 rus) zənginləşdirilib.

Fhnews.az xəbər verir ki, bu barədə AMEA-dan məlumat verilib.

Məqalələr Azərbaycanın görkəmli şəxsiyyətləri, maddi-mənəvi memarlıq abidələri və başqa mövzular ətrafındadır. Könüllü qruplar tərəfindən məqalələrin “Vikipediya”nın xarici dil bölmələrində yaradılması diqqətdə saxlanılır. Məqsəd ölkəmiz haqqında xarici oxucuları məlumatlarla təmin etməkdir.

Onu qeyd edək ki, Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun könüllü “Vikipediya” qrupunun əməkdaşı Fidan Hacalıyeva Qasım bəy Zakirin “Vikipediya”da mövcud olan məqaləsini əsaslı redaktə edərək zənginləşdirib.

Paylaş:

Kateqoriyalar

Eyni kateqoriyalı xəbərlər