14 mart 2025, cümə Bakı, 14°C
IMG-LOGO
  • 14 mart 2025, cümə 18:12:22 Bakı , 14°C
Ana səhifə Xəbərlər Ətraflı

Xəbər lenti:

Azərbaycanda elektrik enerjisinin istehsalı 4 faizədək artıb

14-03-2025
IMG

Cari ilin yanvar-fevral ayları ərzində respublikada elektrik enerjisinin istehsalı 3,8 faiz artaraq 4 milyard 864,8 milyon kilovat-saat olub.

Energetika Nazirliyindən verilən məlumata görə, bu müddət ərzində İES-lərdə 4 milyard 354,3 milyon kilovat-saat, SES-lərdə 411,7 milyon kilovat-saat, digər mənbələr üzrə isə 98,8 milyon kilovat-saat, o cümlədən külək elektrik stansiyalarında 5,8 milyon kilovat-saat, günəş elektrik stansiyalarında 54,9 milyon kilovat-saat, Bərk Məişət Tullantılarının Yandırılması Zavodunda isə 38,1 milyon kilovat-saat elektrik enerjisi istehsal edilib.

Ötən ilin müvafiq dövrü ilə müqayisədə su və günəş elektrik stansiyalarının enerji istehsalında 140,6 milyon kilovat-saat artım qeydə alınıb.

Hesabat dövründə elektrik enerjisinin istehsalı “AzərEnerji” ASC üzrə 4 milyard 353,6 milyon kilovat-saat (İES-lərdə 3 milyard 955,7 milyon kilovat-saat, SES-lərdə 397,9 milyon kilovat-saat), Naxçıvan MR Dövlət Energetika Xidməti üzrə 61,3 milyon kilovat-saat (İES-lərdə 41,4 milyon kilovat-saat, SES-lərdə 12,3 milyon kilovat-saat, GES-də 7,6 milyon kilovat-saat), “Azərişıq” ASC üzrə külək elektrik stansiyalarında 4,1 milyon kilovat-saat, müstəqil elektrik stansiyaları üzrə isə 445,8 milyon kilovat-saat təşkil edib.

Bu dövrdə elektrik enerjisinin ixracı 36 faiz artaraq 301,5 milyon kilovat-saat, idxalı isə 40 faiz azalaraq 19,5 milyon kilovat-saat olub.

Qeyd edək ki, 2025-ci ilin fevral ayında respublika üzrə elektrik enerjisinin istehsalı 2 milyard 374 milyon kilovat-saat olub. Bu dövrdə elektrik enerjisinin ixracı 146,1 milyon kilovat-saat, idxalı isə 8,4 milyon kilovat-saat təşkil edib.

Paylaş:

Kateqoriyalar

Eyni kateqoriyalı xəbərlər