14 mart 2025, cümə Bakı, 16°C
IMG-LOGO
  • 14 mart 2025, cümə 17:29:06 Bakı , 16°C
Ana səhifə Xəbərlər Ətraflı

Xəbər lenti:

Ali Məhkəmənin Cinayət kollegiyasının sədri Gürcüstanda bir sıra görüşlər keçirib

14-03-2025
IMG

Azərbaycan Respublikası Ali Məhkəməsinin Cinayət kollegiyasının sədri Hafiz Nəsibovun başçılıq etdiyi nümayəndə heyəti Gürcüstana səfərə gedib.

Bu barədə Ali Məhkəmənin mətbuat xidmətindən məlumat verilib.

Səfər çərçivəsində Gürcüstan Ali Məhkəməsinin və Ali Ədliyyə Şurasının sədri Nino Kadagidze ilə görüş keçirilib. Görüşdə ölkələrimiz arasında olan sıx dostluq və strateji əlaqələr diqqətə çatdırılıb, məhkəmə orqanları arasında əməkdaşlığın genişləndirilməsi və bu istiqamətdə təcrübə mübadiləsinin vacibliyi vurğulanıb.

Sonra Gürcüstan Ali Məhkəməsinin Cinayət Palatasının sədri və üzvləri ilə görüş keçirilib, məhkəmə islahatları, mövcud məhkəmə praktikası və bu sahədə aktual məsələlər, o cümlədən qətimkan tədbirlərinin tətbiqi sahəsində fikir mübadilələri aparılıb.

Səfər zamanı, həmçinin Tbilisi və Rustavi şəhər məhkəmələrində görüşlər keçirilib. Nümayəndə heyəti girov qətimkan tədbirinin tətbiqi, ittiham və müdafiə tərəfləri arasında olan prosessual razılaşmanın təsdiqi üzrə işlərə baxılması ilə bağlı məhkəmə proseslərində iştirak edib.

Paylaş:

Kateqoriyalar

Eyni kateqoriyalı xəbərlər