14 mart 2025, cümə Bakı, 13°C
IMG-LOGO
  • 14 mart 2025, cümə 18:59:44 Bakı , 13°C
Ana səhifə Xəbərlər Ətraflı

Xəbər lenti:

Kərə yağı məhsullarında uyğunsuzluq aşkarlanıb

14-03-2025
IMG

Azərbaycan Qida Təhlükəsizliyi Agentliyinin (AQTA) həyata keçirdiyi nəzarət tədbirləri çərçivəsində fiziki şəxs İmanverdiyev Elman Sahib oğlu tərəfindən istehsal olunan kərə yağı məhsullarından nümunələr götürülüb.

Agentliyin İnformasiya təminatı və innovativ həllər şöbəsindən verilən məlumata görə, nümunələrin sınaq nəticələrinə əsasən, kərə yağı adı ilə satılan məhsul partiyalarında bitki sterini - “Kampesterin” (bitki yağı) ilə yanaşı, yağ turşuları üzrə də uyğunsuzluq (linolen, palmitin, olein yağ turşuları) aşkar edilib.

Agentlik tərəfindən həmin məhsul partiyalarının dövriyyədən çıxarılması və ticarət şəbəkələrindən geri çağırılması ilə bağlı məhdudlaşdırıcı qərar qəbul edilib. Həmçinin sahibkar barəsində inzibati tədbir görülüb, aşkar edilən nöqsanların aradan qaldırılması ilə bağlı icrası məcburi göstərişlər verilib.

Qeyd edək ki, aşkarlanan uyğunsuzluqlar qida məhsulunun təhlükəsizlik göstəriciləri ilə bağlı olmasa da, istehsalçı tərəfindən qanunvericiliyə zidd şəkildə istehlakçıların aldadılması və hüquqlarının pozulması hesab olunur. Belə ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi göstərilsə də, yoxlama zamanı məhsulun faktiki tərkibinə bitki yağının qatılması halı aşkar edilib.

Uyğunsuzluq aşkarlanan məhsul partiyaları https://afsa.gov.az/az/xeberler/kere-yagi-adi-ile-satilan-daha-3-yagin-terkibinde-bitki-yagi-askarlandi linkində yerləşdirilib.

Paylaş:

Kateqoriyalar

Eyni kateqoriyalı xəbərlər