16 mart 2025, bazar Bakı, 10°C
IMG-LOGO
  • 16 mart 2025, bazar 00:01:26 Bakı , 10°C
Ana səhifə Xəbərlər Ətraflı

Xəbər lenti:

İdman və xidmət ixtisasları üzrə işçi qrupun növbəti iclası keçirilib
 

15-03-2025
IMG

Azərbaycan İdman Akademiyasında (ASA) İdman və xidmət ixtisasları üzrə işçi qrupun növbəti iclası keçirilib.

Gənclər və İdman Nazirliyinin mətbuat xidmətindən verilən məlumata görə, iclasa İşçi Qrupun həmsədri, ASA-nın Tədris üzrə prorektoru Ülkər Babayeva rəhbərlik edib.

İclasda Məşqçilik, Nəqliyyatda servis, Sosial iş, Turizm və otelçilik ixtisaslarının magistratura səviyyəsi üzrə müxtəlif ixtisaslaşmalarının təsdiq edilməsi əsas müzakirə obyekti olub. Bakı Dövlət, Azərbaycan Texniki, Azərbaycan Dövlət Pedaqoji, Azərbaycan Turizm və Menecment, Azərbaycan Dövlət Mədəniyyət və İncəsənət universitetləri və digər ali təhsil müəssisələrinin inzibati və pedaqoji heyəti, əmək bazarından nümayəndələr müzakirələr əsasında siyahıya bir neçə ixtisaslaşmanın əlavə olunması, bəzilərinin adının dəyişdirilməsi, bir neçə ixtisaslaşmanın ləğv olunmasına qərar veriblər.

Sonda İdman və xidmət ixtisasları üzrə magistratura təhsil səviyyəsinin ixtisaslaşmalarının siyahısı səsvermə ilə təsdiq edilib.

Paylaş:

Kateqoriyalar

Eyni kateqoriyalı xəbərlər