22 may 2025, cümə axşamı Bakı, 23°C
IMG-LOGO
  • 22 may 2025, cümə axşamı 15:52:21 Bakı , 23°C
Ana səhifə Xəbərlər Ətraflı

Xəbər lenti:

Mülki Məcəlləyə dəyişiklik: Müraciət etməmiş mirasçıların hüquqları qorunacaq
 

19-05-2025
IMG

Miras bölgüsü zamanı müraciət etməmiş vərəsələrin hüquqlarının müdafiəsi məqsədilə yeni hüquqi mexanizmlər təklif olunur.

Fhnews.az xəbər verir ki, bu, mayın 19-da parlamentin Aqrar siyasət komitəsinin iclasında müzakirəyə çıxarılan Mülki Məcəlləyə təklif edilən dəyişiklikdə öz əksini tapıb.

Təklif edilən dəyişikliklərə əsasən, miras əmlakının bölgüsü ilə bağlı vərəsəlik şəhadətnaməsi tərtib edilərkən həmin sənədi almaq üçün rəsmi müraciət etməmiş vərəsələrin də mülki hüquqları nəzərə alınacaq və təmin olunacaq. Beləliklə, mirasın bölüşdürülməsi zamanı iştirak etməyən vərəsələrin hüquqları da qorunacaq.

Layihədə bildirilir ki, əgər hər hansı vərəsə miras qoyanın vəfatı barədə məlumatlandırıldıqdan sonra üç ay ərzində əmlakın bölüşdürülməsində iştirak etmək niyyətini digər vərəsələrə bildirməzsə, digər vərəsələr qarşılıqlı razılıq əsasında əmlakı bölə biləcəklər. Bu halda iştirak etməyən vərəsənin payı ayrıca ayrılmalı və onun hüquqları sonrakı mərhələdə təmin edilməlidir.

Bu dəyişiklik miras bölgüsü zamanı baş verə biləcək hüquqi mübahisələrin qarşısının alınması, eləcə də əmlakın idarə olunmasında çevikliyin artırılması baxımından mühüm əhəmiyyət kəsb edir. Həmçinin bu hüquqi yenilik mirasçıların bərabər hüquqlarla təmin olunması prinsipinə uyğun şəkildə irəli sürülür və əmlak hüquqlarının qorunmasına yönəlib.

Bu kimi mexanizmlərin tətbiqi və qanunvericiliyin təkmilləşdirilməsi miras hüququ sahəsində daha şəffaf və ədalətli praktikanın formalaşmasına töhfə verəcək.

Paylaş:

Kateqoriyalar

Eyni kateqoriyalı xəbərlər