22 may 2025, cümə axşamı Bakı, 23°C
IMG-LOGO
  • 22 may 2025, cümə axşamı 15:26:03 Bakı , 23°C
Ana səhifə Xəbərlər Ətraflı

Xəbər lenti:

BMU-da dizayn ixtisası üzrə təhsil alan tələbələrin layihələri nümayiş etdirilib

20-05-2025
IMG

Bakı Mühəndislik Universitetində (BMU) Memarlıq və inşaat fakültəsi dizayn ixtisası tələbələrinin növbəti sərgisi keçirilib.

BMU-dan bildirilib ki, sərgidə Dizayn kafedrasının baş müəllimi Lalə Sadıxovanın rəhbərliyi altında I və II kurs tələbələrinin rəsm, rəngkarlıq və interyer-eksteryer dizayn mövzularında yaratdıqları layihələr nümayiş etdirilib.

Tələbələr iki semestr ərzində hazırladıqları masaüstü kompozisiyalar, həndəsi fiqurlar və dizayn layihələri vasitəsilə öz yaradıcılıq bacarıqlarını, müxtəlif dizaynlara uyğun yanaşmalarını ortaya qoyublar.

Tədbirdə bildirilib ki, bu cür sərgilər tələbələrin yaradıcılıq potensialının inkişafı, onları peşəkar sahəyə hazırlamaq və innovativ üslublara təşviq etmək baxımından böyük əhəmiyyət daşıyır. Eyni zamanda, tələbələrin yaradıcı ideyalarının, təşəbbüslərinin hər zaman dəstəkləndiyi və gələcəkdə daha geniş layihələrin təşkilinin planlaşdırıldığı vurğulanıb.

Sərgi ilə tanışlıq zamanı müəllimlər tələbələrin əl işlərini qiymətləndirib və onlara gələcək layihələrdə uğurlar arzulayıblar.

Sonda tələbələrə sertifikatlar təqdim olunub.

Paylaş:

Kateqoriyalar

Eyni kateqoriyalı xəbərlər