4 iyun 2025, çərşənbə Bakı, 21°C
IMG-LOGO
  • 4 iyun 2025, çərşənbə 07:06:05 Bakı , 21°C
Ana səhifə Xəbərlər Ətraflı

Xəbər lenti:

“Mebel sənayesi məhsulları” standartlaşdırma üzrə yeni Texniki Komitə yaradılıb

02-06-2025
IMG

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutunun (AZSTAND) nəzdində “Mebel sənayesi məhsulları” standartlaşdırma üzrə yeni Texniki Komitə (AZSTAND/TK 14) təsis edilib.

AZSTAND-dan bildirilib ki, Texniki Komitənin yaradılmasında əsas məqsəd mebel sənayesi sahəsində istifadə olunan məhsulların, o cümlədən istehsal proseslərinin milli və beynəlxalq standartlara uyğunlaşdırılması, həmçinin məhsul keyfiyyətinin artırılması, təhlükəsizlik və rəqabətqabiliyyətliliyin yüksəldilməsi istiqamətində normativ-hüquqi bazanın təkmilləşdirilməsidir.

AZSTAND/TK 14-ün tərkibinə Azərbaycan Mebel İstehsalçıları Assosiasiyası ilə yanaşı, müvafiq dövlət qurumlarının nümayəndələri də daxil edilib.

Qeyd edək ki, “Mebel sənayesi məhsulları” standartlaşdırma üzrə Texniki Komitə (AZSTAND/TK 14) Azərbaycan Respublikası Prezidentinin 23 yanvar 2023-cü il tarixli, 3721 nömrəli Sərəncamı ilə təsdiq olunan “Milli standartlaşdırma sisteminin beynəlxalq tələblərə uyğunlaşdırılmasına dair 2023–2025-ci illər üçün Dövlət Proqramı” çərçivəsində nəzərdə tutulan tədbirlərin icrasını təmin etmək məqsədilə Azərbaycan Standartlaşdırma İnstitutunun müvafiq qərarı əsasında yaradılıb.

Paylaş:

Kateqoriyalar

Eyni kateqoriyalı xəbərlər