22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:49:44 Bakı , 14°C
Ana səhifə Xəbərlər Ətraflı

Xəbər lenti:

Mülki müdafiə qoşunlarının hərbi hissələrində “Heydər Əliyev İli”nə həsr olunmuş silsilə tədbirlər keçirilib

14-03-2023

Fövqəladə Hallar Nazirliyinin Mülki müdafiə qoşunlarının hərbi hissələrində “Heydər Əliyev İli"nə həsr olunmuş silsilə tədbirlər keçirilib.

Fovqaladexeberler.az FHN-ə istinadən məlumat verir ki,Tədbirlərdə hərbi hissələrin rəhbərliyi və şəxsi heyəti, yerli icra hakimiyyətlərinin, Gənclər və İdman Nazirliyi, Elm və Təhsil Nazirliyinin yerli idarələrinin, Yeni Azərbaycan Partiyası rayon təşkilatlarının məsul vəzifəli şəxsləri, ictimaiyyət nümayəndələri iştirak ediblər.

Əvvəlcə, hərbi hissələrdə ulu öndər Heydər Əliyevin büstü önünə gül dəstələri düzülüb, Dahi Rəhbərin əziz xatirəsi ehtiramla yad edilib.

Dövlət himninin səsləndirilməsi ilə başlayan tədbirlərdə ulu öndər Heydər Əliyevin və ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunub.

Tədbirlərdə çıxış edənlər ulu öndər Heydər Əliyevin Azərbaycanın müstəqilliyi, inkişafı naminə böyük və əvəzedilməz işlər gördüyünü, ölkəmizin bu günü və gələcəyi üçün zəngin irs qoyduğunu vurğulayıblar. Ulu Öndərin ötən əsrin sonlarında bərpa edilmiş müstəqilliyimizin qorunub saxlanılması və onun əbədiliyinin təmin olunmasındakı müstəsna xidmətlərindən danışan natiqlər qeyd ediblər ki, Dahi Şəxsiyyət xalqımızın əsrlər boyu formalaşmış istiqlal arzularını və milli dövlətçilik ideallarını gerçəkləşdirib, respublikamız qısa zaman kəsiyində total böhran və ciddi tənəzzüldən qurtularaq demokratik-hüquqi islahatlar və stabil inkişaf yoluna qədəm qoyub.

Çıxış edənlər ümummilli lider Heydər Əliyevin mütərəqqi siyasi kursunun layiqli davamçısı Azərbaycan Respublikasının Prezidenti, Müzəffər Ali Baş Komandan cənab İlham Əliyevin müdrik rəhbərliyi ilə ölkəmizin bu gün çox böyük uğurlara imza atdığını, Azərbaycanın özünün siyasi və iqtisadi qüdrəti ilə dünya dövlətləri arasında layiqli yer tutduğunu bildiriblər.

Tədbirlərin sonunda ümummilli lider Heydər Əliyevin həyat və fəaliyyətindən bəhs edən sənədli film nümayiş olunub.

Paylaş:

Kateqoriyalar

Eyni kateqoriyalı xəbərlər