2 iyun 2025, bazar ertəsi Bakı, 27°C
IMG-LOGO
  • 2 iyun 2025, bazar ertəsi 15:36:25 Bakı , 27°C
Ana səhifə Xəbərlər Ətraflı

Xəbər lenti:

Azərbaycanın xarici işlər naziri pakistanlı həmkarı ilə regional məsələləri müzakirə edib

31-05-2025
IMG

Mayın 31-də Azərbaycanın xarici işlər naziri Ceyhun Bayramovun Pakistan İslam Respublikasının Baş nazirinin müavini, xarici işlər naziri Məhəmməd İshaq Dar ilə telefon danışığı baş tutub.

Azərbaycanın Xarici İşlər Nazirliyinin Mətbuat xidməti idarəsindən bildirilib ki, nazirlər arasında Azərbaycan-Pakistan strateji tərəfdaşlığının gündəliyində müxtəlif ölçülər üzrə yer alan ikitərəfli və çoxtərəfli əməkdaşlıq məsələləri müzakirə olunub.

Ali və yüksək səviyyədə qarşılıqlı səfərlərin artan dinamikasından məmnunluq ifadə olunaraq, gələcək təmaslar, o cümlədən Azərbaycanın cari ilin iyul ayında ev sahibliyi edəcəyi İqtisadi Əməkdaşlıq Təşkilatının Zirvə Toplantısına hazırlıq işlərinə dair fikir mübadiləsi aparılıb.

Telefon danışığı zamanı, həmçinin qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.

Paylaş:

Kateqoriyalar

Eyni kateqoriyalı xəbərlər