2 iyun 2025, bazar ertəsi Bakı, 27°C
IMG-LOGO
  • 2 iyun 2025, bazar ertəsi 16:30:07 Bakı , 27°C
Ana səhifə Xəbərlər Ətraflı

Xəbər lenti:

31 may Ümumdünya Tütünsüz Günüdür

31-05-2025
IMG

1988‑ci ildə Ümumdünya Səhiyyə Təşkilatı  Assambleyasının 42‑ci sessiyasında 19 saylı qətnamə ilə 31 may Ümumdünya Tütünsüz Günü elan edilmişdir. Bu gün tütün epidemiyasına və onun yaratdığı qarşısı alına bilən xəstəliklərə və ölüm hallarına diqqəti artırmaq məqsədilə qeyd edilir.

Dünyada  ölüm səbəblərinə görə tütün ikinci yerdə durur. Hazırda tütün böyüklərin hər on nəfərdən birinin  ölümünə səbəb olur.

Dünyada hər il 8 milyondan çox insan tütünlə bağlı xəstəliklərdən ölür. Bu qurbanların 7 milyonu aktiv istifadəçilər, 1,3 milyonu isə “passiv” siqaret çəkənlərdir. Tütündən istifadənin zərərlərinə diqqət çəkilərkən, “elektron siqaretlər”in getdikcə geniş yayılması diqqət çəkir.

Ümumdünya Səhiyyə Təşkilatının məlumatına görə, dünyada 1,3 milyard insan tütün məmulatlarından istifadə edir. Tütün istifadəçilərinin 80%-i aşağı və orta gəlirli ölkələrdə yaşayır ki, bu da tez-tez tütün sənayesinə intensiv müdaxilə və marketinqin hədəfinə çevrilir. Bu ölkələr həm də tütündən istifadə nəticəsində ən çox xəstəlik və ölüm yükü daşıyır.

Tütün istifadəçilərinin təxminən yarısı tütünlə əlaqəli xəstəliklər səbəbindən gözləniləndən tez ölür. Bundan əlavə, tütün istifadəsi sağlamlığın və həyat keyfiyyətinin itirilməsinə səbəb olan xəstəliklərin və yoxsulluğun əsas səbəbləri sırasındadır. Dünyada hər gün 22 min, ildə isə 8 milyondan çox insan tütün istifadəsi ilə bağlı xəstəliklərdən dünyasını dəyişir.

Paylaş:

Kateqoriyalar

Eyni kateqoriyalı xəbərlər