22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:19:38 Bakı , 14°C
Ana səhifə Xəbərlər Ətraflı

Xəbər lenti:

FHN-in Muğan Regional Mərkəzində “Heydər Əliyev İli”nə həsr olunmuş tədbir keçirilib

30-01-2023

Əvvəlcə, tədbir iştirakçıları Azərbaycan xalqının ümummilli lideri Heydər Əliyevin büstü önünə gül-çiçək dəstələri qoyub, Ulu Öndərin əziz xatirəsini ehtiramla yad ediblər.

Tədbiri giriş sözü ilə açan Muğan Regional Mərkəzinin rəisi polkovnik Vüqar Ağayev ulu öndər Heydər Əliyevin həyat və fəaliyyətindən ətraflı danışıb, müstəqilliyimizin qorunub saxlanılmasında Ümummilli Liderin misilsiz xidmətlərindən bəhs edib. Mərkəz rəisi bildirib ki, dünya şöhrətli siyasətçi daim Azərbaycan xalqınının taleyini düşünüb. Müstəqil dövlətçiliyimizin konseptual əsaslarını işləyib hazırlayan Dahi Rəhbərin yorulmaz fəaliyyəti nəticəsində ölkəmiz tərəqqi və inkişaf yoluna qədəm qoyub.

Çıxış edənlər Ümummilli Liderin siyasi kursunun layiqli davamçısı Azərbaycan Respublikasının Prezidenti, Müzəffər Ali Baş Komandan cənab İlham Əliyevin müdrik rəhbərliyi altında Azərbaycanın qısa müddətdə böyük inkişaf və tərəqqi yolu keçdiyini, dünyada söz sahibinə çevrildiyini iftixar hissi ilə dilə gətiriblər.

Tədbirin sonunda Ulu Öndərin həyat və fəaliyyətindən bəhs edən sənədli film nümayiş olunub.

Paylaş:

Kateqoriyalar

Eyni kateqoriyalı xəbərlər