21 noyabr 2024, cümə axşamı Bakı, 14°C
IMG-LOGO
  • 21 noyabr 2024, cümə axşamı 22:40:55 Bakı , 14°C
Ana səhifə Xəbərlər Ətraflı

Xəbər lenti:

FHN-in İdman-sağlamlıq klubunda Ulu Öndər Heydər Əliyevin 100 illiyi və cənab İlham Əliyevin prezidentlik fəaliyyətinin 20 illiyi ilə əlaqədar tədbir keçirilib

14-12-2023

Fövqəladə Hallar Nazirliyinin İdman-sağlamlıq klubunun akt zalında Ulu Öndər Heydər Əliyevin anadan olmasının 100 illiyi və cənab İlham Əliyevin prezidentlik fəaliyyətinin 20 illiyinə həsr olunmuş tədbir keçirilib.

Tədbirdə klubun rəisi polkovnik Füzuli Musayev, Milli Məclisin deputatı Vüqar İskəndərov, FHN-in Akademiyasının rəisi general-mayor Baba Salayev və klubun əməkdaşları iştirak ediblər.

Əvvəlcə, tədbir iştirakçıları Ümummilli Lider Heydər Əliyevin büstü önünə gül dəstələri qoyaraq, Ulu Öndərin əziz xatirəsini ehtiramla yad ediblər.

Tədbirdə Dövlət Himni səsləndirilib, Ümummilli Lider Heydər Əliyevin, eləcə də ölkəmizin ərazi bütövlüyü uğrunda mübarizədə canlarını fəda etmiş şəhidlərin əziz xatirəsi bir dəqiqəlik sükutla yad edilib.

Müasir Azərbaycan dövlətinin banisi və qurucusu Ümummilli Lider Heydər Əliyevin misilsiz xidmətlərindən danışan FHN-in İdman-sağlamlıq klubunun rəisi polkovnik Füzuli Musayev qeyd edib ki, Dahi Rəhbərin siyasi xətti Azərbaycanın bütün uğurlarının əsasıdır. Möhtərəm Prezidentimiz cənab İlham Əliyev tərəfindən bu siyasi xəttin müdrik uzaqgörənliklə davam etdirilməsi nəticəsində Azərbaycan tarixinin ən güclü və qüdrətli dövrünü yaşayır.

Ulu Öndər Heydər Əliyevin xalqın tələb və təkidi ilə yenidən hakimiyyətə qayıdışından sonra həyata keçirdiyi titanik fəaliyyət nəticəsində Azərbaycanın davamlı inkişaf, tərəqqi və sabitlik dövrünə qədəm qoyduğunu iftixar hissilə dilə gətirən Milli Məclisin deputatı Vüqar İsgəndərov və digər çıxış edənlər Azərbaycan Prezidenti, Müzəffər Ali Baş Komandan cənab İlham Əliyevin 20 illik fəaliyyəti dövründə ölkəmizin bütün istiqamətlərdə qazandığı böyük uğurlardan ətraflı bəhs ediblər.

Sonra Ümummilli Liderin həyat və fəaliyyətindən bəhs edən film nümayiş olunub.

 

Paylaş:

Kateqoriyalar

Eyni kateqoriyalı xəbərlər