22 noyabr 2024, cümə Bakı, 14°C
IMG-LOGO
  • 22 noyabr 2024, cümə 05:58:30 Bakı , 14°C
Ana səhifə Xəbərlər Ətraflı

Xəbər lenti:

Dinozavrları məhv edən asteroidin tək olmadığı təsdiqlənib

04-10-2024
IMG

Alimlər 66 milyon il əvvəl Yerə dəyən və dinozavrların yox olmasına səbəb olan nəhəng asteroidin tək olmadığını üzə çıxarıblar.Araşdırmalara görə, eyni dövrdə Qərbi Afrika sahillərinə düşən ikinci, daha kiçik göy cismi böyük bir krater yaradıb.

Alimlərin hesablamalarına görə, bu toqquşma Atlantik okeanında ən azı 800 metr hündürlüyündə sunamiyə səbəb olub. 2022-ci ildə Heriot-Vatt Universitetinin alimi  Uisdean Nikolson bu krateri ilk dəfə kəşf edib. Bununla belə, bu formasiyanın həqiqətən asteroidin təsiri nəticəsində baş verib-vermədiyi ilə bağlı qeyri-müəyyənlik var idi.

İndi  Nikolson və komandası əmindir ki, Nadir krateri adlanan 9 kilometr enində olan bu çökəklik asteroidin dəniz dibinə dəyməsi nəticəsində əmələ gəlib. Elm adamları bu hadisənin dəqiq vaxtını müəyyən edə, ya da onun Meksikada 180 kilometr enində olan Çikxulub kraterini yaradan və dinozavrların sonunu gətirən nəhəng asteroiddən əvvəl və ya sonra baş verdiyini bilmirlər.

Lakin onlar düşünürlər ki, Nadir asteroidi də dinozavrların yoxa çıxdığı təbaşir dövrünün sonunda Yerə dəyib. Atmosferə girərkən onun böyük bir atəş topu yaratdığı təxmin edilir.

Zərbənin ardınca güclü hava partlayışı və 7 bal gücündə zəlzələni xatırladan seysmik təkanlar ola bilər.

Ehtimal olunur ki, böyük miqdarda su dəniz dibindən qalxıb, sonra yenidən yerə düşüb və yerdə unikal izlər buraxıb.

Qısa müddət ərzində bu ölçüdə asteroidlərin Yerə çarpması nadir hadisədir. Bununla belə, alimlər iki böyük asteroidin niyə bir-birinə bu qədər yaxın Yerə dəydiyini hələ bilmirlər.

Nadir kraterini əmələ gətirən asteroidin eninin təxminən 450-500 metr olduğu və Yerə saatda təxminən 72.000 kilometr sürətlə vurduğu təxmin edilir. Bəşər tarixində bu qədər böyük hadisə baş verməyib.

Paylaş:

Kateqoriyalar

Eyni kateqoriyalı xəbərlər