22 noyabr 2024, cümə Bakı, 14°C
IMG-LOGO
  • 22 noyabr 2024, cümə 06:08:35 Bakı , 14°C
Ana səhifə Xəbərlər Ətraflı

Xəbər lenti:

BMT-nin açıq dənizləri qorumaq üçün razılaşması ilə yeni dövr başlayır

03-10-2024
IMG

Mütəxəssislər Türkiyənin ötən həftə imzaladığı və açıq dənizləri müxtəlif təhdidlərdən, xüsusilə iqlim dəyişikliyindən qorumaq məqsədi daşıyan BMT müqaviləsinin dənizlərin qorunması üçün lazımi hüquqi infrastrukturu təmin etdiyini bildirir.

Türkiyənin Xarici işlər naziri Hakan Fidan Birləşmiş Millətlər Təşkilatının 79-cu Baş Assambleyası çərçivəsində “Milli yurisdiksiyadan kənar ərazilərdə dəniz bioloji müxtəlifliyinin qorunması və davamlı istifadəsinə dair Birləşmiş Millətlər Təşkilatının Dəniz Hüququ Konvensiyası”nı imzalayıb. Türkiyə Böyük Millət Məclisinə təqdim edilərək təsdiqləndikdən sonra tərəf olacağı razılaşma ilə açıq dənizlərin qorunması və davamlı istifadəsi ilə bağlı qərar qəbul edən ölkələrdən biri olacaq. Əvvəllər dəqiq və hərtərəfli mühafizəsi olmayan açıq dənizlər 19 iyun 2023-cü ildə BMT-də imzalanan sözügedən sazişlə qoruma statusu qazanıb.

Beynəlxalq əməkdaşlıq yolu ilə milli yurisdiksiyaların hüdudlarından kənarda açıq dənizlərdə "dəniz bioloji müxtəlifliyinin" qorunmasını və davamlılığını təmin etməyi hədəfləyən müqavilə ilə bərabər və ədalətli istifadə əsasında davamlılıq prinsipləri qəbul edilir. İndiyədək 104 ölkə sazişi imzalasa da, onlardan 13-ü öz parlamentlərində ratifikasiya edib və sazişin tərəfi olub. Konvensiyanın qüvvəyə minməsi üçün 60 ölkə ratifikasiya etməli və ona qoşulmalı olduğu halda, BMT 2025-ci ildə lazımi sayda iştirakçı ölkəni tamamlamağı hədəfləyir.

Müqavilədə bütün dəniz ehtiyatlarının davamlı və ədalətli istifadəsi ön plana çıxır. Son zamanlar əczaçılıq, kosmetika və qida sənayesində dəniz genetik ehtiyatlarından geniş şəkildə istifadə olunduğu üçün bu resurslardan davamlı və ədalətli istifadə müqaviləyə daxildir.

Paylaş:

Kateqoriyalar

Eyni kateqoriyalı xəbərlər