24 aprel 2025, cümə axşamı Bakı, 20°C
IMG-LOGO
  • 24 aprel 2025, cümə axşamı 15:12:55 Bakı , 20°C
Ana səhifə Xəbərlər Ətraflı

Xəbər lenti:

Türkiyədə “Azərbaycan kino günləri” təşkil olunacaq

24-04-2025
IMG

Aprelin 28-dən 30-dək İstanbulda “Azərbaycan kino günləri” keçiriləcək. Kino günləri Azərbaycan ilə Türkiyə arasında mədəniyyət sahəsində bağlanmış əməkdaşlığa dair sazişə əsasən təşkil olunacaq.

Mədəniyyət Nazirliyindən bildirilib ki, tədbir Azərbaycanın Mədəniyyət Nazirliyi, Türkiyənin Mədəniyyət və Turizm Nazirliyi və Türkiyədəki səfirliyimizin nəzdində fəaliyyət göstərən Azərbaycan Mədəniyyət Mərkəzinin birgə əməkdaşlıq çərçivəsində həyata keçirilir.

Kino günləri zamanı son illərdə Mədəniyyət Nazirliyinin sifarişi ilə istehsal olunmuş Azərbaycan filmlərinin nümayişi baş tutacaq. Tədbir çərçivəsində Azərbaycan və Türkiyə film istehsalçıları və mütəxəssisləri arasında görüşlər keçiriləcək, birgə film istehsalı imkanları müzakirə olunacaq.

Qeyd edək ki, tədbirin açılış mərasimi və filmlərin nümayişi İstanbul şəhərində yerləşən “Atlas Cinema”da və Türkiyənin iki nüfuzlu universitetində həyata keçiriləcək.

Türkiyədə keçiriləcək “Azərbaycan kino günləri”ndə Azərbaycan nümayəndə heyəti iştirak edəcək.

Paylaş:

Kateqoriyalar

Eyni kateqoriyalı xəbərlər