21 aprel 2025, bazar ertəsi Bakı, 16°C
IMG-LOGO
  • 21 aprel 2025, bazar ertəsi 18:42:25 Bakı , 16°C
Ana səhifə Xəbərlər Ətraflı

Xəbər lenti:

Rəqəmsal dünya zehnin gücünü qoruyur

21-04-2025
IMG

Yaşlı insanların texnologiyadan müntəzəm istifadəsi onların demans riskini 58 faizə qədər azalda bilər.ABŞ-nın Texas ştatından olan tədqiqatçılar 50 yaşdan yuxarı 411 000-dən çox insanı əhatə edən 57 müxtəlif tədqiqatı araşdırıblar. Tədqiqatın nəticələri göstərib ki, texnologiyadan müntəzəm istifadə idrak qabiliyyətinin zəifləmə riskini 58 faiz azaldır. Bu şəxslərdə zamanla müşahidə olunan zehni geriləmə nisbətinin 26 faizdən 34 faizə qədər aşağı olduğu da qeyd edilib. Hər bir araşdırma fərqli rəqəmsal vərdişləri tədqiq edib. Bəziləri smartfondan istifadəyə, bəziləri isə sosial media ilə qarşılıqlı əlaqəyə diqqət yetirib. Bununla belə, hətta peşə, təhsil səviyyəsi və sosial-iqtisadi vəziyyət kimi amillərə nəzarət edildikdə belə, texnologiyaya məruz qalmanın qoruyucu təsiri davam edib.

Texasdakı Baylor Universitetinin psixoloqu və nevroloqu Maykl Skullin araşdırma ilə bağlı verdiyi açıqlamada "Hər gün texnologiyaların bizə necə təsir etdiyi barədə mənfi şərhlər eşidirik. Rəqəmsal demensiya kimi anlayışlar gündəmə gəlir. Amma məlumatlar göstərir ki, bu cür ümumiləşdirmələr həmişə doğru deyil"-deyə bildirib. O, əlavə edib ki, bu araşdırmalar yaşlı yetkinləri texnologiya vasitəsilə cəlb etməyin və zehni fəaliyyətin davam etdirilməsinin böyük sağlamlıq faydaları ola biləcəyini göstərir.

Mütəxəssislərin fikrincə, texnologiya xüsusilə yeni cihazlar və tətbiqləri öyrənməklə beyni stimullaşdıra, sosial media və video zənglər vasitəsilə tənhalıq hisslərini azaltmaqla psixi sağlamlığı dəstəkləyə bilər. O, həmçinin dərman xatırlatmaları və təqvim proqramları kimi alətlərlə müstəqil həyatı genişləndirə bilər.

Paylaş:

Kateqoriyalar

Eyni kateqoriyalı xəbərlər