23 aprel 2025, çərşənbə Bakı, 17°C
IMG-LOGO
  • 23 aprel 2025, çərşənbə 20:29:15 Bakı , 17°C
Ana səhifə Xəbərlər Ətraflı

Xəbər lenti:

Havanı çirkləndirən restoran sahibləri cərimələnib

23-04-2025
IMG

Bakı şəhərində fəaliyyət göstərən ictimai-iaşə obyektləri və restoranlarda 11 saylı Regional Ekologiya və Təbii Sərvətlər İdarəsinin və Ətraf Mühitin Çirklənməsinin Monitorinq Qrupunun əməkdaşları tərəfindən növbəti monitorinqlər keçirilib.

Ekologiya və Təbii Sərvətlər Nazirliyinin mətbuat katibi İradə İbrahimovanın verdiyi məlumata görə, aparılan monitorinqlər və ölçmə işləri zamanı paytaxtda fəaliyyət göstərən “Neolit City”, “Sapfir”, “Great Events Hall”, “Orion”, “Movida Plaza”, “Afrodita”, “Bibi”, “Venesiya”, “Qəbələ”, “Ada təpə”, “Maxara”, “Quzu qabırğası”, “Xan qızı”, “Səhər mehi” və “Manqalüstü” şadlıq sarayları və restoranlarından havaya atılan tullantıların miqdarının normadan artıq olduğu müəyyən edilib.

“Faktlarla bağlı obyektlərin səlahiyyətli nümayəndələri barəsində protokol tərtib olunub və hər birinin 2500 manat məbləğində cərimə olunması ilə bağlı qanunamüvafiq tədbirlər görülür”, - deyə mətbuat katibi bildirib.

O, ictimai-iaşə obyektləri və restoran sahiblərini obyektlərindəki təmizləyici qurğuların texniki göstəricilərinin normalara uyğunluğunu təmin etməyə, havanın çirkləndirilməsinə yol verməməyə çağırıb.

Paylaş:

Kateqoriyalar

Eyni kateqoriyalı xəbərlər