23 aprel 2025, çərşənbə Bakı, 16°C
IMG-LOGO
  • 23 aprel 2025, çərşənbə 23:23:15 Bakı , 16°C
Ana səhifə Xəbərlər Ətraflı

Xəbər lenti:

Vəkillər istintaq təcridxanalarında məhkum və həbs edilmiş şəxslərə pulsuz hüquqi yardım göstərib

23-04-2025
IMG

Vəkillər Kollegiyası ilə Ədliyyə Nazirliyinin Penitensiar Xidməti arasında imzalanmış birgə Tədbirlər Planına uyğun olaraq penitensiar müəssisələrdə məhkum və həbs edilmiş şəxslərin hüquq və azadlıqlarının təmin edilməsi sahəsində pulsuz hüquqi yardımın və maarifləndirmə işinin təşkili üzrə aksiyalar davam etdirilir.

Kollegiyanın mətbuat xidmətindən verilən məlumata görə, tədbirlər Planına uyğun olaraq aprelin 18-də “Arbitrium” Vəkil Bürosunun vəkilləri Penitensiar Xidmətin 3 saylı istintaq təcridxanasında və Bakı şəhəri 7 saylı Vəkil Bürosunun vəkilləri tərəfindən isə Bakı istintaq təcridxanasında saxlanılan şəxslərə qanunvericiliyin müddəaları izah olunub, hüquq və azadlıqlarının təmin edilməsi istiqamətində sualları cavablandırılıb.

Aksiyada ümumilikdə 45 nəfərə yaxın şəxs yaradılmış həmin imkandan istifadə edib.

Qeyd edək ki, Tədbirlər Planına uyğun olaraq aprelin 30-da Penitensiar Xidmətin İxtisaslaşdırılmış müalicə müəssisəsində vəkillər tərəfindən pulsuz hüquqi yardımın göstərilməsi nəzərdə tutulur.

Paylaş:

Kateqoriyalar

Eyni kateqoriyalı xəbərlər