22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:40:56 Bakı , 14°C
Ana səhifə Xəbərlər Ətraflı

Xəbər lenti:

Yunanıstanda tapılan sirli abidə arxeoloqları təəccübləndirib

21-06-2024
IMG

Yunanıstanın Krit adasındakı Papura təpəsində tunc dövrünə aid 4000 illik əlamətdar üzük formalı daş abidə aşkar edilib. Abidə böyük hava limanı layihəsinin qazıntıları zamanı aşkar edilib.

Yunanıstan Mədəniyyət Nazirliyindən verilən açıqlamada, 1800 kvadratmetrlik bu binanın ritual və ya dini məqsədlər üçün istifadə oluna biləcəyi bildirilib.Labirint quruluşu orta hesabla 1,4 metr qalınlığında, bəzi yerlərdə isə 1,7 metr hündürlüyündə olan səkkiz konsentrik daş halqadan ibarətdir.

Arxeoloqlar bu tikilinin Kritin Minos mədəniyyətinə aid ola biləcəyini bildirirlər.

Minos mədəniyyəti qədim rituallarda istifadə edilən zirvə ziyarətgahları ilə məşhurdur. Belə saytlarda tez-tez dini memarlıq və terakota heyvan və insan heykəlcikləri kimi Minos sənətinin nümunələri var.

Ancaq Papura təpəsindəki dairəvi quruluşun zirvə ziyarətgahı olub-olmadığı hələ aydın deyil. Quruluşun içərisindən tapılan çoxlu sayda heyvan sümükləri onun yemək, şərab və bəlkə də qurbanların istehlakı ilə bağlı ritual mərasimlər üçün istifadə edildiyini ehtimal edir.

Binanın əsas istifadə dövrü eramızdan əvvəl 2000-1700-cü illərə, yəni Orta Mino dövrünə aiddir. Bu dövrdə adada əhalinin artması ilə Kritin simvolu olan Mino sarayları tikilməyə başlandı.Ancaq eramızdan əvvəl 1750-1700-cü illərdə bir çox tikililər zəlzələlər nəticəsində dağılıb.

Paylaş:

Kateqoriyalar

Eyni kateqoriyalı xəbərlər