22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:57:26 Bakı , 14°C
Ana səhifə Xəbərlər Ətraflı

Xəbər lenti:

Yeni Dehlidə havanın çirklənməsi pik həddə çatıb

28-10-2024
IMG

Qeyd olunub ki, Hindistanın paytaxtı Yeni Dehlidə havanın keyfiyyəti ötən həftə Ümumdünya Səhiyyə Təşkilatının tövsiyə etdiyi həddi 25-30 dəfə keçib. Hindistanın müxtəlif bölgələrində hər ilin oktyabr-yanvar ayları arasında hava həddindən artıq çirklənir. Bu isə müəssisələrin bağlanmasına, məktəblərdə təhsilin dayandırılmasına və nəqliyyatın kəsilməsinə səbəb olur. Ötən həftə Yeni Dehlinin müxtəlif yerlərində havanın çirklənmə səviyyəsinin Ümumdünya Səhiyyə Təşkilatının tövsiyə etdiyi həddi 25-30 dəfə keçdiyi qeyd edilib.

Mütəxəssislər xəbərdarlıq ediblər ki, yaxın günlərdə Divali festivalı zamanı fişənglərdən istifadə və qonşu ştatlarda məhsul qalıqlarının yandırılması səbəbindən şəhərin hava keyfiyyəti pisləşəcək.Bundan əlavə, ekspertlər Yeni Dehli əhalisini evlərini tərk etməmələri ilə bağlı xəbərdar edib və ictimaiyyəti öz avtomobilləri yerinə ictimai nəqliyyatdan istifadə etməyə çağırıblar.

Hökumətin məlumatlarına görə, ağciyərlərin dərinliklərinə nüfuz edərək müxtəlif xəstəliklərə səbəb ola bilən incə hissəciklərin (PM 2,5) hər kubmetrdə sıxlığı bu gün bəzi rayonlarda kubmetrdə 350 mikroqrama qədər çatıb.

PM 2.5 səviyyələri 300-400-ə çatdıqda havanın keyfiyyəti çox pis, həddi 400-500-ə çatdıqda isə ağır kimi təsnif edilir.

Yeni Dehli hökuməti Divali səbəbiylə hər il müəyyən vaxtlarda havanın keyfiyyətinin ən pis səviyyəyə çatması səbəbindən atəşfəşanlıq üşün lazım olan vasitələrin istehsalı, saxlanması, satışı və istifadəsini qadağan edir.

Paylaş:

Kateqoriyalar

Eyni kateqoriyalı xəbərlər