22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:38:09 Bakı , 14°C
Ana səhifə Xəbərlər Ətraflı

Xəbər lenti:

Venerada daha çox vulkan kəşf edilib

30-05-2024
IMG

Onilliklər ərzində aparılan radar görüntülərinin tədqiqinin yeni təhlili zamanı Yerin əlverişsiz planetar qonşusu – Veneranın səthində iki əlavə yerdə vulkan püskürmələri aşkar edilib. Alimlər bildirirlər ki, Venera əvvəllər məlum olduğundan daha vulkanik aktiv görünür.

Fhnews.az “Reuters” agentliyinə istinadla xəbər verir ki, NASA-nın “Magellan” kosmik gəmisi tərəfindən 1990-1992-ci illərdə əldə edilən radar görüntüləri müşahidələr zamanı Veneranın şimal yarımkürəsindəki iki yerdə böyük lava axınının olduğunu göstərmişdi. Alimlərə görə, bu tapıntılar əvvəlki tədqiqatlarla birlikdə planetin vulkanik fəaliyyətinin Yerlə müqayisə oluna biləcəyini göstərir.

“Magellan” Veneranın səthinin 98 faizinin xəritəsini çəkib. Hesablama qabiliyyətinin inkişafı son illərdə Magellanın radar məlumatlarının təhlilini asanlaşdırıb. Yeni tədqiqatın aparıcı müəllifi, İtaliyanın Peskara şəhərindəki d'Annunzio Universitetinin planetoloq alimi Davide Sulkanese bildirib ki, bu tapıntılar Veneranın vulkanik aktivliyi ilə bağlı anlayışımızı əhəmiyyətli dərəcədə dəyişdirərək, onun əvvəllər düşünüldüyündən daha aktiv ola biləcəyini göstərir.

Bu həftə “Nature Astronomy” jurnalında dərc olunmuş məqalədə qeyd edilir ki, Veneranın səthindəki həmin iki yerdən biri təxminən 300 kilometr eni olan və Eistla Regio adlı bölgədə yerləşən “Sif Mons” vulkanıdır. Əvvəlki və sonrakı radar görüntüləri təxminən 30 kvadrat kilometr qayalıq olan lava axınını göstərir. Digər yer Niobe Planitia adlı bölgədəki böyük vulkanik düzənlikdir. Bu lava axınında təxminən 45 kvadrat kilometrlik qaya əmələ gəlib. Alimlər onları aşağı özlülüklü lava axınlarının yaratdığı geniş, yumşaq yamaclarla xarakterizə olunan qalxan vulkanları adlandırıblar.

Paylaş:

Kateqoriyalar

Eyni kateqoriyalı xəbərlər