22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:46:19 Bakı , 14°C
Ana səhifə Xəbərlər Ətraflı

Xəbər lenti:

Varnada unikal Roma heykəli tapılıb

19-10-2024
IMG

Bolqarıstandakı arxeoloqlar bir vaxtlar Qədim Yunanıstanın Odesos şəhəri kimi tanınan Varna şəhərində tikinti zamanı tapılan, Romalı insanı təsvir edən çox gözəl mühafizə edilən  mərmər heykəl aşkar ediblər. 

İşçilər mərmər heykəli Odesosun qala divarları xaricində, çayların buraxdığı qum, gil, lil və çınqılla dolu  bir ərazidə tapıblar.  Varna Regional Tarix Muzeyindən verilən məlumata görə, heykəl eramızın ikinci əsrinin sonu və ya üçüncü əsrin əvvəllərində hazırlanıb.

Heykəl insan boyundan bir qədər hündürdür və yüksək keyfiyyətli ağ mərmərdən hazırlanıb. Roma dövrünə aid unikal heykəlin yeganə zədəsi orta yaşlı kişinin sağ biləyində və üzündə olub.Heykəldə Roma toqa geyinmiş və əlində tumar tutan saqqallı adam Gaius Marios Ermogeniesz kimi təsvir edilmişdir. Bu ad onun ayağının altındakı postamentdə də yazılıb.

Qeyd edək ki, Varna Bolqarıstanın ən böyük dəniz şəhəridir. İlk dəfə eramızdan əvvəl 570-ci ildə Yunan koloniyası kimi qurulub, Roma əyalətinin Mesia şəhərinin II və III əsrlərdə inkişaf etmiş mühüm limanı olub. 

Roma İmperatoru II. Theodosius 447-ci ildə Odesosda Hun imperatoru Atilla ilə barışıq imzalayıb. Lakin 7-ci əsrdə avarlar və slavyanların hücumları şəhərin onilliklər ərzində tərk edilməsinə səbəb olur və sonradan Varna adlandırılır.

Paylaş:

Kateqoriyalar

Eyni kateqoriyalı xəbərlər