22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:34:54 Bakı , 14°C
Ana səhifə Xəbərlər Ətraflı

Xəbər lenti:

Türkiyədə sahibsiz itlər problemi gündəmdə

24-07-2024
IMG

Sahibsiz itlər probleminin həlli ilə bağlı tənzimləmə Türkiyə Böyük Millət Məclisinin gündəmindədir. Sahibsiz heyvanlarla bağlı tənzimləmələri ehtiva edən Heyvanların Mühafizəsi Qanununa Dəyişikliklər edilməsi haqqında Qanun TBMM Kənd Təsərrüfatı, Meşəçilik və Kənd İşləri Komissiyası tərəfindən qəbul edilib.

Kənd Təsərrüfatı, Meşə və Kənd Məsələləri Komissiyasının keçirdiyi son iclasda 17 maddədən ibarət təklif qəbul edilib.Təklifə əsasən, sahibsiz itlər toplanaraq sığınacaqlara aparılacaq.

AK Partiyanın hazırladığı Heyvanları Qoruma Qanununda dəyişiklikləri nəzərdə tutan 17 maddəlik təklifə görə, sahibsiz heyvanlarla bağlı bütün məsuliyyət bələdiyyələrdə olacaq.

Tələblərə əməl etməyən vəzifəli şəxslər 2 ilədək müddətə azadlıqdan məhrum edilə bilər. Təkliflə ev heyvanlarını tərk edən və sahibsiz heyvanların sayını artıranlara da cərimələr tətbiq olunacaq.

Sahibləndikləri iti küçəyə atanlar heyvan başına 60 min lirə cərimə ödəyəcək. Şəhər xaricində boş ərazilərdə it buraxan bələdiyyə və ya dərnəklər heyvan başına 50 min lirə cərimələnəcək.

Əsasnaməyə əsasən, sahibsiz itlər götürülənə qədər sterilizasiya və peyvənd ediləcək. Komissiya müzakirələrində səslənən təklif mətnindən “evtanaziya” sözünü çıxarıb.Bunun əvəzinə mətnə “Baytarlıq Xidmətləri haqqında” Qanunun 9-cu maddəsinin 3-cü bəndindəki müddəalar tətbiq edilir” ifadəsi əlavə edilib.

Təklif bütün heyvanları deyil, yalnız sahibsiz itləri əhatə edəcək şəkildə yenilənib.

Paylaş:

Kateqoriyalar

Eyni kateqoriyalı xəbərlər