22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:31:52 Bakı , 14°C
Ana səhifə Xəbərlər Ətraflı

Xəbər lenti:

Türkiyə-Azərbaycan əlaqələri inkişaf edir

10-06-2024
IMG

Qardaş ölkənin mətbuatı əlaqələrin intensiv artımını xarakterizə edib. Türkiyə ilə Azərbaycan arasında diplomatik əlaqələrin qurulmasından 32 il ötür. Hər iki ölkə prezidentlərinin səyləri Türkiyə-Azərbaycan qardaşlığını strateji müttəfiqliklə taclandırıb.

Liderlərin yaxın dostluğu və möhkəm iradəsi, xalqlar arasında qardaşlıq bağları və bir çox sahələrdə əməkdaşlıq “bir millət, iki dövlət” prinsipi ilə münasibətləri yüksək səviyyədə saxlamaqda davam edir.

Türkiyə 1991-ci ildə Azərbaycanın müstəqilliyini tanıyan ilk ölkədir. İki ölkə arasında diplomatik əlaqələr 1992-ci il yanvarın 14-də qurulub. O vaxtdan bəri bu münasibətlər davamlı olaraq inkişaf edib. 

Azərbaycanın Qarabağ zəfərinin ardınca Türkiyə Prezidenti Rəcəb Tayyib Ərdoğanın 2021-ci il iyunun 15-də Şuşaya səfəri ilə münasibətlər yeni müstəviyə keçib. Ərdoğan azərbaycanlı həmkarı İlham Əliyevlə Şuşa Bəyannaməsini imzalayıb. Beləliklə, münasibətlər strateji müttəfiqlik səviyyəsinə yüksəlib.

İkitərəfli ticarət həcmi keçən il ilk dəfə olaraq 7,5 milyard dollara çatıb. Qarşılıqlı investisiyalar 34 milyard dolları ötüb. Türkiyə podratçı şirkətləri bu günə qədər Azərbaycanda təxminən 19 milyard dollar dəyərində 526 layihə həyata keçirib.

Türkiyə ilə Azərbaycanın uzun illərdir ortaq enerji və nəqliyyat layihələri var.Bakı-Tbilisi-Ceyhan neft kəməri, Bakı-Tbilisi-Ərzurum təbii qaz kəməri, təbii qazın Türkiyə və Avropaya nəqlini təmin edən TANAP, Bakı-Tbilisi-Qars dəmir yolu xətti bunlara ən gözəl örnəkdir. 

Yeni məqsəd iki ölkəni avtomobil və dəmir yolu ilə birləşdirəcək Zəngəzur dəhlizinin qısa müddətdə başa çatdırılmasıdır.Türk Dövlətləri Təşkilatının iki mühüm ölkəsi olan Türkiyə ilə Azərbaycan arasında əməkdaşlığın qarşılıqlı yüksək səviyyəli səfərlər və yeni layihələrlə daha da inkişaf etdirilməsi nəzərdə tutulur.

Paylaş:

Kateqoriyalar

Eyni kateqoriyalı xəbərlər