22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:29:53 Bakı , 14°C
Ana səhifə Xəbərlər Ətraflı

Xəbər lenti:

Tovuzun 8 kəndinin elektrik şəbəkəsi yenidən qurulub

08-08-2024
IMG

Tovuz rayonunun Papaqçılar, Ağdam, Qaradaş, Ağbaşlılar, Mürkülü, Səfərli, Qandallar, Əyyublu kəndlərində elektrik şəbəkəsinin yenidənqurma işləri başa çatdırılıb.

Fhnews.az bu barədə "Azərişıq" ASC-yə istinadən xəbər verir.

Məlumata görə, 3 minə yaxın abonentin yaşadığı Əyyublu kəndinin ərazisində 29 yeni transformator məntəqəsi, eləcə də müasir sayğaclar quraşdırılıb, 0,4 və 10 kV-luq dayaqlar basdırılıb və Özünüdaşıyan İzolyasiyalı Naqillər (ÖİN) çəkilib.

Bildirilir ki, Aşağı Quşçu, Ağbulaq və Göyəbaxan kəndlərində, eyni zamanda 110/35/10 kV-luq “Qovlar” və 110/35/6 kV-luq “Tovuz” yarımstansiyalarında yenidənqurma işləri davam edir. Kəndlərdə istismar müddətini başa vurmuş 0,4, 6 və 10 kV-luq dayaqlar və elektrik veriliş xətləri, eləcə də transformator məntəqələri tam yenidən qurulur. Yaxın gələcəkdə daha 7 kəndin elektrik şəbəkəsinin yenilənməsi işlərinə başlanılacaq.

Xatırladaq ki, Prezident İlham Əliyevin tapşırıqlarına əsasən Tovuz rayonun ən ucqar dağ kəndlərinin belə elektrik şəbəkəsi yenidən qurulur.

Paylaş:

Kateqoriyalar

Eyni kateqoriyalı xəbərlər