22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:33:09 Bakı , 14°C
Ana səhifə Xəbərlər Ətraflı

Xəbər lenti:

Topkapı Sarayının ən qiymətlisi: Fatih Köşkü

16-01-2024

Fatih Sultan Məhmət tərəfindən inşa edilən və 1463-cü ildə tamamlanan Fatih Köşkü Topkapı Sarayının ən diqqət çəkən yerlərindən birindədir. Sarayburnuya baxan mövqedə yerləşən, dağın yamacında tikilmiş tarixi bina dörd zaldan və iki zal arasında divandan ibarətdir, dam örtüyü və ətrafı açıqdır. İçəridəki xəzinə Yavuz Sultan Səlimin dövründə həm Çaldıran, həm də Misir yürüşlərindən gətirilən qənimətlərlə zənginləşdirilib. 

Yavuz Sultan Səlimin əmrinə əsasən, Fatih Köşkü muzeyə çevrilənə qədər xəzinənin qapıları bağlı olub. Xəzinəyə qızıldan və gümüşdən hazırlanmış qazan və tavalar, ipək xalçalar, namaz səccadələri, xəzlər, daş-qaşlı paltarlar və kaftanlar, almazdan, mirvaridən, firuzədən, yaqutdan və zümrüddən hazırlanmış zinət əşyaları, yal, yəhər dəsti, kəmər kimi əşyalar daxildir. Köşkün içindəki vitrinlər dövlətin mühüm qonaqlarına xəzinələri nümayiş etdirmək üçün tikilib.

Bu bölmələr türk muzeyşünaslığının ilk nümunələrindəndir. Adı əfsanələrlə hallanan və görənləri valeh edən Qaşıqçı Almaz indi Fatih Köşkündə sərgilənir.

Paylaş:

Kateqoriyalar

Eyni kateqoriyalı xəbərlər