22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:15:58 Bakı , 14°C
Ana səhifə Xəbərlər Ətraflı

Xəbər lenti:

Təhlükəsiz məktəb mühitinin qorunmasına dair monitorinq

23-10-2024
IMG

Paytaxtda 188 nömrəli tam orta məktəbdə ümumi təhsil müəssisələrində şagird təhlükəsizliyinin gücləndirilməsi və daxili nizam-intizam qaydalarına əməl olunmasına nəzarətin artırılması məqsədilə aparılan monitorinqlər çərçivəsində növbəti görüş keçirilib.

Bakı Şəhəri üzrə Təhsil İdarəsindən verilən məlumata görə, görüşdə Məktəbəqədər və Ümumi Təhsil üzrə Dövlət Agentliyi, Bakı Şəhər Baş Polis İdarəsinin İctimai Təhlükəsizlik İdarəsi, Sabunçu Rayon Polis İdarəsi, “Məktəblinin dostu” layihəsinin əməkdaşları, məktəbin rəhbərliyi, müəllimlər və şagirdlər iştirak ediblər.

Monitorinqlər çərçivəsində məktəblilərin “Ümumi təhsil müəssisələrində şagird davranış qaydaları”na əməl etməsi vəziyyəti müşahidə olunub, məktəbə gətirilməsi qadağan olunan əşya və ləvazimatlar haqqında maarifləndirmə işi aparılıb, həmçinin dərsə davamiyyət, məktəbli formalarından istifadənin zəruriliyi və digər müvafiq məsələlərlə bağlı tövsiyələr verilib. Monitorinq zamanı aşkara çıxarılan nöqsanları doğuran səbəblər müzakirə olunub və həlli yolları məktəb rəhbərliyinin nəzərinə çatdırılıb.

Daha sonra yuxarı sinif şagirdləri üçün “Narkomaniyaya qarşı mübarizə” mövzusunda təqdimat nümayiş etdirilib.

Paylaş:

Kateqoriyalar

Eyni kateqoriyalı xəbərlər