22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:20:03 Bakı , 14°C
Ana səhifə Xəbərlər Ətraflı

Xəbər lenti:

Təbiət mühafizəçilərindən xəbərdarlıq: Quş qripi dəniz quşlarının sayının ciddi şəkildə azalmasına səbəb olur

13-02-2024

H5N1 virusunun dəniz quşlarına təsirindən bəhs edən hesabata görə, Böyük Britaniyada quş qripi yayılandan sonra tədqiq edilən ərazilərdə böyük sahil qağayılarının dörddə üçündən çoxu məhv olub.

Fhnews.az “The Guardian”a istinadən xəbər verir ki, quşların ölümü 2021-ci ildə H5N1 epidemiyasının yayılmasından etibarən iki il ərzində baş verib.

Böyük Britaniya dəniz quşları üçün beynəlxalq əhəmiyyət kəsb edir. Belə ki, dünyada 16 000 cüt yuva quran böyük sahil qağayılarının əksəriyyətinə ev sahibliyi edir.

“Beynəlxalq məsuliyyət daşıdığımız populyasiyada itki səviyyəsinin çox olması dəhşətlidir. Qlobal miqyasda bu, bütün dünya əhalisi üçün çox əhəmiyyətlidir”, - deyə Quşların Mühafizəsi Cəmiyyətinin quş qripi məsələləri üzrə köməkçisi Cin Duqqan bildirib.

Mühafizə orqanlarının hesabatına görə, dünyadakı şimal qannetlərinin yarısından çoxu Böyük Britaniyanın payına düşür və təəssüf ki, sorğu edilən ərazilərdə onların sayı 25% azalıb.

Qannetlər kiçik sayda böyük koloniyalarda yuva qururlar və xəstəliyin yayılmasına qarşı xüsusilə həssasdırlar. Virus nəticəsində Uelsdə məskunlaşan şimal qannetlərinin sayı 54% azalıb.

H5N1 epidemiyasının milyonlarla vəhşi quşu öldürdüyü güman edilir. Bu yaxınlarda Antarktidada pinqvinlər arasında da virus qeydə alınıb.

Ümumilikdə, hesabatda əhatə olunan 13 növ quşdan 9-u 10%-dən çox azalıb. 2023-cü ilin may ayından iyul ayına qədər dəniz quşlarının monitorinqi aparılıb. Yayın sonunda daha çox quşların öldüyü, qara başlı qağayıların, gillemotların xüsusilə ağır zərbə aldığı bildirilir.

Tədqiqatçılar quş qripinin təsirinin burada göstəriləndən daha da pis olacağını ehtimal edirlər.

Məqalədə qeyd olunub ki, alimlər bəzi çöl quşlarında oktyabr ayından virusa qarşı immunitet yarandığını təsdiqləyiblər. Tədqiqatçılar şimal qannetlərindən götürdükləri qan nümunələrinə əsasən, onların 30%-də antitellərin olduğunu aşkar ediblər.

Paylaş:

Kateqoriyalar

Eyni kateqoriyalı xəbərlər