22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:36:21 Bakı , 14°C
Ana səhifə Xəbərlər Ətraflı

Xəbər lenti:

Süni intellektlə yazılan xəbərləri anlamaq daha çətindir

27-10-2024
IMG

Tədqiqatçılar müəyyən ediblər ki, süni intellektlə yazılan xəbərləri başa düşmək daha çətindir.

Almaniyanın Lüdviq Maksimilian Universitetinin alimləri tərəfindən aparılan araşdırma jurnalistlərin yazdığı mətnlərlə süni intellekt tərəfindən hazırlanan mətnlərin anlaşılırlığını müqayisəli şəkildə araşdıran ilk tədqiqatdır.

 “Jurnalistika: Nəzəriyyə, Təcrübə və Tənqid” elmi jurnalında dərc olunan araşdırmada Böyük Britaniyanın internet saytlarında müntəzəm olaraq xəbərləri oxuyan ən azı 3000 insan iştirak edib.İştirakçılar yarısı süni intellekt, yarısı isə jurnalistlər tərəfindən yazılmış 24 mətndən birini qiymətləndiriblər.
Tədqiqatın aparıcı müəllifi Sina Thäsler-Kordonouri bildirir ki, oxucular süni intellektlə yazılmış xəbər mətnlərini daha az başa düşülən hesab edirlər. Thäsler-Kordonouri deyir ki, bəzi süni intellekt mətnləri jurnalistlər tərəfindən düzəldilsə də, nəticə dəyişməyib.

Bildirilir ki, süni intellektlə hazırlanan mətnlərin daha çətin başa düşülməsinin səbəblərindən biri də söz seçimidir. Oxucuların bu mətnlərdə çətin başa düşülən söz və ifadələrlə qarşılaşmasının mənfi nəticələri olduğu bildirilir.

Tədqiqat layihəsini aparan professor Neil Thurman deyir ki, jurnalistlər və texnologiya mütəxəssisləri məlumatların təqdim olunma tərzinə diqqət yetirməli, süni intellektlə dəstəklənən mətnlər yaratarkən anlaşılmaz sözlərdən istifadə etməməlidirlər.

Paylaş:

Kateqoriyalar

Eyni kateqoriyalı xəbərlər