FHN Xəbərlər | İctimai-siyasi onlayn qəzet

Məlumdur ki, son illərdə getdikcə geniş yayılan süni intellekt vasitələri bəzən yanlış məlumatlar verir və ya “halüsinasiyalar” yaradır. Son araşdırmalarda onların insanlarda hallüsinasiyalara da səbəb ola biləcəyi qeyd edilmişdir.

Massaçusets Texnologiya İnstitutunun və Kaliforniya Universitetinin İrvine şəhərciyinin tədqiqatçıları süni intellektin dəyişdirdiyi təsvirlərin insanların yaddaşına təsir edib-etmədiyini yoxlayıblar.Hələ nəzərdən keçirilməyən və keçən həftə preprint server arXiv-də dərc edilən araşdırmada bəzi şəkillər 200 iştirakçıya göstərilib. Daha sonra 4 qrupa bölünən iştirakçılara eyni şəkillər, şəkillərin süni intellektlə redaktə edilmiş versiyaları, süni intellektin istehsal etdiyi videolar və ya süni intellektin montaj etdiyi şəkillərdən ibarət videolar təqdim olunub. Daha sonra iştirakçılardan faktiki şəkildə bəzi detalları təsvir etmələri istənib.

Tədqiqatçılar müşahidə ediblər ki, süni intellekt tərəfindən redaktə edilən şəkillər iştirakçıların halüsinasiyalarını əhəmiyyətli dərəcədə artırıb.
Həmçinin qeyd olunub ki, saxta xatirələrin yaranmasına ən çox süni intellekt tərəfindən montaj edilən şəkillərin yer aldığı videolar təsir edib. Bu qrup iştirakçılarda saxta yaddaşların nisbəti nəzarət qrupundan 2,05 dəfə çox olmuşdur.Bu qrupdakı iştirakçılar digərləri ilə müqayisədə şəkilləri düzgün yadda saxladıqlarına dair ən yüksək inam səviyyəsinə sahib idilər.

Keçən ay həmin tədqiqat qrupu süni intellektlə işləyən chatbotların yalan xatirələr yarada biləcəyini müəyyən edib.

Həmçinin araşdırmada belə müşahidə olunub ki, hətta süni intellektli chatbotlar belə çaşdırıcı suallar verirlər ki, insanların videolarına baxdıqları bir hadisəni səhv xatırlayırlar. Nəticələr digər tədqiqatlarla dəstəklənməlidir. Bununla belə, bu iki araşdırma hələ də süni intellektin yaratdığı potensial təhlükələrdən birinə diqqət çəkir. Yalan xatirələr yaratmaq məhkəmədə yalan ifadələrə səbəb ola bilər. Tədqiqatçılar süni intellektlə qarşılıqlı əlaqənin insan yaddaşına əhəmiyyətli təsir göstərə biləcəyini və bu cür texnoloji vasitələrdən həssas kontekstlərdə ehtiyatla istifadə edilməli olduğunu iddia edirlər.