22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:15:52 Bakı , 14°C
Ana səhifə Xəbərlər Ətraflı

Xəbər lenti:

Sudanda güclü yağış və daşqın problemlər yaradıb

07-08-2024
IMG

Sudanın rəsmi xəbər agentliyi “SUNA”-nın məlumatına görə, Əbu Həməd şəhəri və ətraf kəndləri vuran güclü yağış və daşqınlar evlərin uçmasına səbəb olub. Evlərin dağıntıları altında qalan və təbii fəlakətdə itkin düşmüş insanların tapılması üçün axtarış-xilasetmə işləri davam edir. Güclü yağış və sel nəticəsində 11 nəfər həyatını itirib, ən azı 60 nəfər yaralanıb.

Beynəlxalq Miqrasiya Təşkilatı  açıqlamasında Nil çayı üzərindəki Əbu Həməd şəhərinə təsir edən güclü yağış və daşqınların 86 ailənin didərgin düşməsinə səbəb olduğu bildirilib.Açıqlamada 86 evin tamamilə dağıldığı, 20 evin qismən dağıldığı, dinc sakinlər arasında itki və yaralananların olduğu paylaşılıb.

Sudan Səhiyyə Nazirliyi dünən verdiyi açıqlamada iyun ayından bəri ölkənin 7 əyalətində yağan leysan və daşqınlar nəticəsində 32 nəfərin öldüyünü, 107 nəfərin isə yaralandığını açıqlayıb.

Sudanda iyul-oktyabr ayları arasında yağan yağışlar zamanı daşqınlar nəticəsində hər il 100-dən çox insan ölür, on minlərlə ev, iş yeri və kənd təsərrüfatı sahəsinə ziyan dəyir.

Paylaş:

Kateqoriyalar

Eyni kateqoriyalı xəbərlər