22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:26:55 Bakı , 14°C
Ana səhifə Xəbərlər Ətraflı

Xəbər lenti:

Sakit okean ölkəsindən gələn turist ödənişlərində  200 % artım

04-09-2024
IMG

Sakit okeanın cənubunda yerləşən Yeni Zelandiya ölkəsi turistlərdən alınan rüsumun 200 faiz artırılmasına qərar verib. “The New Zealand Herald” qəzetinin xəbərinə görə, Yeni Zelandiya ölkəyə daxil olarkən turistlərdən alınan rüsumun artırılmasına qərar verib.Hökumət oktyabrın 1-dən etibarən turist rüsumunun təxminən 200 % artırılaraq 35 NZ$-dan (təxminən 22 ABŞ dolları) 100 NZ$-a (təxminən 62 dollar) çatdırılacağını açıqlayıb.

Turizm naziri Matt Doocey beynəlxalq turizmin Yeni Zelandiya iqtisadiyyatında mühüm rol oynadığını vurğulayaraq ödənişin artırılmasının ölkənin turizm xərclərinə fayda gətirmək məqsədi daşıdığını bildirib. Doocey turist haqqının artırılmasının ölkəyə gələn turistlərin sayının azalmasına səbəb ola biləcəyi ilə bağlı narahatlıqlara qarşı çıxıb və Yeni Zelandiyanın yeni ödənişə baxmayaraq turistlər üçün cəlbedici ziyarət yeri olmağa davam edəcəyini bildirib.

Avstraliya və ya Yeni Zelandiya pasportu ilə səyahət edənlər, bəzi Sakit okean ölkələrinin pasportları olanlar, tranzit sərnişinlər və Yeni Zelandiya və ya Avstraliyada yaşayış icazəsi olanlar Yeni Zelandiyaya daxil olmaq üçün rüsum ödəməməlidirlər. Giriş haqqı Yeni Zelandiya Elektron Səyahət Səlahiyyəti tələb edildikdə və ya viza üçün müraciət edildikdə ödənilir.

Paylaş:

Kateqoriyalar

Eyni kateqoriyalı xəbərlər