22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:08:48 Bakı , 14°C
Ana səhifə Xəbərlər Ətraflı

Xəbər lenti:

Qazaxıstan prostat xərçənginin müalicəsi üçün dərman istehsal etməyi planlaşdırır

22-09-2024
IMG

Qazaxıstan prostat vəzi xərçəngi və neyroendokrin xəstəliklərin müalicəsi üçün radiofarmasevtiklər istehsal etməyi planlaşdırır.

Fhnews.az yerli KİV-ə istinadən xəbər verir ki, bu barədə Atom Enerji üzrə Beynəlxalq Agentliyinin (AEBA) Baş Konfransının 68-ci sessiyası çərçivəsində məlumat verilib.

Tədbirdə qazaxıstanlı mütəxəssislər nüvə təbabəti sahəsində gördükləri işlərin nəticələrini təqdim ediblər. Öz növbəsində AEBA ekspertləri ikitərəfli əməkdaşlıq proqramlarının yüksək səviyyədə həyata keçirildiyini qeyd ediblər.

Bildirilib ki, yaxın üç ildə ölkədə pozitron emissiyalı tomoqrafiya aparatları ilə təchiz edilmiş yeddi mərkəzin və bir foton emissiyalı kompüter tomoqrafiyası aparatları ilə təchiz edilmiş dörd mərkəzin, habelə dövlət-özəl tərəfdaşlığından istifadə etməklə beş yeni nüvə tibb mərkəzinin açılması planlaşdırılır.

Radiokimya və İzotop İstehsalı Mərkəzinin rəhbəri Yelena Çakrova bildirib ki, AEBA ilə texniki əməkdaşlıq çərçivəsində Qazaxıstanda 7 radiofarmasevtik preparat istehsal olunur.

Paylaş:

Kateqoriyalar

Eyni kateqoriyalı xəbərlər