22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:16:11 Bakı , 14°C
Ana səhifə Xəbərlər Ətraflı

Xəbər lenti:

Qərbi Afrika ölkələri ümumi pasport sisteminə keçməyi planlaşdırır

16-09-2024
IMG

Qərbi Afrika ölkələri Mali, Niger və Burkina Fasodan ibarət Sahel Dövlətləri Alyansı  öz aralarında əməkdaşlıq və təhlükəsizliyi artırmaq üçün ortaq pasport sistemi tətbiq edəcəklərini açıqlayıb. AES-in prezidenti və Malidəki keçid hökumətinin lideri Assimi Goita Alyansın yaradılmasının birinci ildönümü ilə əlaqədar verdiyi açıqlamada üç ölkə arasında hərəkətliliyi asanlaşdıracaq birgə biometrik pasport tətbiqini işə salacaqlarını söyləyib.

Bölgədə terror qruplaşmalarına qarşı mühüm nailiyyətlər əldə etdiklərini qeyd edən Qoita Alyansın regional tərəfdaşlarla yanaşı, beynəlxalq tərəfdaşlarla da danışıqlara açıq olduğunu bildirib.

"Üç ölkə arasında əməkdaşlıq terrorçu qrupları əhəmiyyətli dərəcədə zəiflətməklə yanaşı, həm də regionda təhlükəsizliyin artırılmasına töhfə verib" -deyən  Qoita birgə televiziya kanalı yaradacaqlarını da bildirib.

Xatırladaq ki, Mali, Niger və Burkina Faso keçən il Qərbi Afrika Dövlətlərinin İqtisadi Birliyindən çıxaraq Sahel Dövlətləri Alyansını (AES) qurublar. Üç ölkə iyulun 6-da Nigerin paytaxtı Niameydə ilk sammitini keçirib. Sammitdə 3 ölkədən ibarət “Sahel Dövlətləri Konfederasiyası”nın yaradılması ilə bağlı ortaq bəyannamə imzalanıb və Mali prezidenti Assimi Qoita 1 il müddətinə AES-in müddətli prezidenti seçilib.

Paylaş:

Kateqoriyalar

Eyni kateqoriyalı xəbərlər