22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:01:26 Bakı , 14°C
Ana səhifə Xəbərlər Ətraflı

Xəbər lenti:

Postmüharibə dövründə şəhid ailələri üzvləri və müharibə iştirakçıları olan 128 min şəxsə 331 min xidmət göstərilib

19-02-2024

Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun möhtəşəm Zəfər əldə etdiyi 44 günlük Vətən müharibəsindən sonrakı dövrdə dövlət başçısının tapşırıqları əsasında şəhid ailələri üzvləri və müharibə iştirakçıları ilə bağlı genişmiqyaslı sosial dəstək paketinin icrası uğurla davam etdirilir.

Fhnews.az xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən məlumat verilib. Nazirlik tərəfindən icra olunan sosial dəstək tədbirləri çərçivəsində postmüharibə dövründə:

∙ şəhid ailələri üzvləri və müharibə veteranları olan 105 min şəxsə 118 min aylıq sosial ödəniş təyin olunub, 22,5 min şəxsə birdəfəlik ödəmə təyin olunub;

∙ şəhid ailələri, müharibə ilə əlaqədar əlilliyi olan şəxslərin mənzillə təminatı proqramı 5 dəfə genişlənib, onlara 6 min mənzil və fərdi ev, müharibə ilə əlaqədar əlilliyi olan şəxslərə 494 avtomobil təqdim edilib;

∙ şəhid ailələri üzvləri və müharibə iştirakçıları olan 11 min nəfərə 57,3 min sosial-psixoloji dəstək və reabilitasiya xidməti göstərilib;

∙ müharibə ilə əlaqədar əlilliyi olan 2 min 94 şəxs 50,7 min reabilitasiya vasitəsi, o cümlədən 462 şəxs 483 ədəd yüksək texnologiyalı müasir protezlə təmin olunub;

∙ şəhid ailələri üzvləri və müharibə iştirakçıları olan 20,9 min şəxsin məşğulluğu təmin edilib, o cümlədən 10,4 min şəxs özünüməşğulluq proqramına cəlb olunub;

Postmüharibə dövründə qeyd olunan sosial dəstək paketi 128 min şəxsi əhatə edərək, onlara dəstək yönümlü 331 min xidmət göstərilib.

Paylaş:

Kateqoriyalar

Eyni kateqoriyalı xəbərlər