22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:47:28 Bakı , 14°C
Ana səhifə Xəbərlər Ətraflı

Xəbər lenti:

Polis bayram günlərində gücləndirilmiş iş rejimində xidmətini davam etdirir

20-03-2024

Novruz bayramı günlərində hava şəraitindən asılı olmayaraq daxili işlər orqanlarının əməkdaşları gücləndirilmiş iş rejimində xidmətlərini davam etdirirlər.

Fhnews.az xəbər verir ki, Daxili İşlər Nazirliyinin Mətbuat (DİN) xidmətindən verilən məlumata görə, Novruz bayramı şənlikləri və digər kütləvi tədbirlər zamanı ictimai asayişin, qanunçuluğun və hüquq qaydasının qorunmasının, xidməti vəzifələrin icrasının yüksək səviyyədə və daha mütəşəkkil təmin edilməsi məqsədilə DİN-in bütün orqan və hissələrinin şəxsi heyəti gücləndirilmiş iş rejimində xidmətlərini davam etdirirlər.

Kütləvi tədbirlərin, o cümlədən bayram şənliklərinin təşkil olunduğu, insanların sıx toplaşdığı yerlərdə polis naryadlarının sayı artırılıb, mühüm əhəmiyyətli obyektlərin mühafizəsi ciddi nəzarətdə saxlanılır.

Respublika ərazisində avtomobil yollarında hərəkətin təhlükəsizliyinin təmin edilməsi məqsədilə Dövlət Yol Polisi əməkdaşları tərəfindən profilaktik-maarifləndirmə tədbirləri keçirilir.

Dövlət Yol Polisi hərəkət iştirakçılarını qaydalara riayət etməyə çağırır.

Paylaş:

Kateqoriyalar

Eyni kateqoriyalı xəbərlər