22 noyabr 2024, cümə
Bakı, 14°C
- 22 noyabr 2024, cümə 04:38:47 Bakı , 14°C
Petrada "İndiana Cons" kəşfi mübahisələrə səbəb olub
İordaniyanın Petra şəhərində tapılan 2000 illik məzar ötən həftə arxeologiya gündəmində öz izini qoydu. Bununla belə, bəzi ekspertlər kəşfin şişirdildiyini düşünür.
Keçən həftə arxeoloqlar qədim Petra şəhərində El-Hazne (Xəzinə) altında bir məzar tapdıqlarını açıqladılar. Məqbərə olduğu düşünülən bu tikili 1989-cu ildə çəkilmiş “İndiana Cons və Son Səlib yürüşü” filmində istifadə ediləm müqəddəs məkana ev sahibliyi edirdi.
2 min il əvvəl Nəbatilər tərəfindən inşa edildiyi düşünülən türbədən 12 skeletin tapılması xüsusi həyəcana səbəb olub. İçəridə tunc, dəmir və keramikadan hazırlanmış bir sıra dəfn əşyaları da olub.
Avqust ayında edilən kəşf zamanı arxeoloqlar skeletin əlində İndiana Cons filmindəki qədəhə bənzər bir keramika qabı da tapıblar.
Arxeoloqlar bildiriblər ki, tapıntılar nəbatilərlə bağlı suallara cavab vermək potensialına malik olduqları üçün xüsusilə vacibdir.
Mənşəyi razılaşdırıla bilməyən Nəbatilər sivilizasiyanın zirvəsində Şamdan Şimali Ərəbistana qədər uzanan təsirə malik olublar.
Eramızdan əvvəl IV əsrdən eramızın 106-cı ilə qədər bölgəyə hökmranlıq edən krallığın paytaxtı Petra olub.
Bu kəşf Petrada indiyə qədər tapılmış ən əhəmiyyətli məzardır və tarixi ölçülərdə bir kəşfdir. O, təkcə yuxarıdakı xəzinənin sirlərini açmaqla yanaşı, Petranı tikən erkən Nəbatilərin həyatına qeyri-adi bir nəzər sala bilər.
Lakin Şotlandiyanın Edinburq Universitetinin dəfn ənənələri üzrə mütəxəssisi Nabataean deyib ki, bu fakt mediada həddən artıq şişirdilib. Biz artıq bu məzarın olduğunu bilirdik. İordaniya Qədim Əşyalar İdarəsi orada artıq iki məzar qazıb və birini sonraya buraxıb, ona görə də bu, yeni bir şey deyil.
ABŞ-nın Şərqi Karolina Universitetindən başqa bir Nəbati məzarları mütəxəssisi Meqan Perri sosyal media hesabındakı paylaşımında bu tapıntıdan təəccüblənmədiyini söyləyib.
Ümumilikdə isə belə bir tapıntı sirli cəmiyyət haqqında bir çox suallara cavab verə bilər.
Osman Həmdi bəyin tablosu Parisdə 571...
Ekspertin çağırışı: "Tsunami Türkiyənin...
Marsın peykləri üçün iki nəzəriyyə:...
Çanaqqalada aparılan qazıntılar zamanı...
Finlandiyada çovğun 70 min evi...
