22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:38:23 Bakı , 14°C
Ana səhifə Xəbərlər Ətraflı

Xəbər lenti:

Pakistanda temperatur  50 dərəcəyə çatıb

26-05-2024
IMG

Pakistanda isti hava dalğası ölkənin müxtəlif bölgələrində təsirli olub. Bu gün ölkədə termometrlərin 50 dərəcəni göstərib.Bu isə ciddi problemlərə yol açıb. Pakistan Meteorologiya İdarəsindən verilən açıqlamada Lahorda temperaturun 43 dərəcəyə yüksəldiyi, rütubətin isə yüzdə 17 olaraq ölçüldüyü qeyd edilib.

Mayın 27-dək Lahorda isti hava şəraitinin təsirli olacağı, ölkənin müxtəlif şəhərlərində temperaturun 40 dərəcədən yuxarı olacağı bildirilib. Termometrlər ölkənin Sind əyalətində Dadu və Moenjodaroda 50, Navabşah və Sukkurda 49, Mithidə 46, Bəlucistan əyalətində Sibi və Turbatda 48, Pəncab əyalətində yerləşən Bahavalpurda isə 47 dərəcə isti göstərib. Kəraçidə temperatur 36 dərəcə, rütubət isə yüzdə 50 olaraq açıqlanıb.

Pakistan rəsmiləri isti vurması səbəbindən əhaliyə ölüm riskləri barədə xəbərdarlıq edib. Açıqlamada zərurət olmadıqca çölə çıxmamaq tövsiyə edilib.

Qeyd edək ki, 2015-ci ildə ölkədə müşahidə edilən həddindən artıq istilər zamanı termometrlər 49 dərəcəni  göstərmişdi. Bu isə əsasən Karaçi şəhərində susuzluq  və isti vurması nəticəsində təxminən 2 min insanın ölümünə səbəb olmuşdu.

Paylaş:

Kateqoriyalar

Eyni kateqoriyalı xəbərlər